Livan hökuməti istefaya gedib
19:30 10 Avqust 2020
Livanın baş naziri Həsən Diabın bu gün saat 19.30-da xalqa müraciətində istefasını elan etməsi gözlənilir.
Femida.az “An-Nahar”a istinadən xəbər verir ki, Nazirlər Kabinetinin bugünkü iclasından sonra səhiyyə naziri Həməd Həsən hökumətin istefa verəcəyini bildirib.
İqtidara gəldiyi yanvar ayından etibarən daxili ixtilaf və qarşıdurmalardan qurtula bilməyən hazırkı hökumətin beş üzvü ötən həftə və bu gün istefa vermişdi. O cümlədən çərşənbə axşamı Beyrut limanında baş verən və azı 200 nəfərdən çox adamın ölümünə, 6 mindən artıq insanın yaralanmasına səbəb olan güclü partlayışdan sonra ədliyyə naziri Mar-Clod Nəcm, ətraf mühit naziri Demianos Qəttər, informasiya naziri Mənəl Əbdül Səməd, maliyyə naziri Ğazi Vəzni, partlayışdan bir gün əvvəl də xarici işlər naziri Nəsif Hitti istefa veriblər.
Üstəlik, ötən şənbə günü parlamentin bəzi üzvləri də mandatdan imtina edərək erkən seçkilərin keçirilməsinə çağırıblar.
Oxunub: 767
Oxşar xəbərlər
- Livandan İsrail ərazisinə 19 raket atılıb
- Livan Azərbaycana təşəkkür edib
- Livanda yaşayan onlarla erməni Ermənistana gətirilir
- Livanın Ədliyyə naziri istefa verdi
- Livandan külli miqdarda valyuta çıxarmağa cəhd edən azərbaycanlı saxlanıldı
- Livan, Suriya və İraq vətəndaşları öz ölkələrində Ermənistan pasportu ala biləcəklər
- Livanlı General İsrailə xəbərdarlıq etdi