Amerika Azərbaycanlılarının Koordinasiya Şurasının ilk toplantısı keçirilib
12:01 16 Avqust 2020
Amerika Azərbaycanlılarının Koordinasiya Şurasının (AAKŞ) ilk toplantısında ABŞ-ın müxtəlif ştatlarından olan bir qrup icma üzvü iştirak edib.
Diasporla İş üzrə Dövlət Komitəsindən Femida.az-a verilən məlumata görə, toplantını giriş sözü ilə ABŞ-ın Yuta ştatında yaşayan Azərbaycan icmasının fəal üzvü Əsmər Hüseynova açıb. Bildirib ki, pandemiya və Ermənistanın iyul təxribatları kimi məsələlər ABŞ-dakı soydaşlarımızın da mütəşəkkil və koordinasiyalı şəkildə fəaliyyət göstərməsinin zəruriliyini ortaya qoyub.
Müzakirələr zamanı AAKŞ-nin əsasnaməsi, idarə heyətinin seçilməsi, Şuranın fəaliyyət planı və digər mühüm məsələlərdən danışılıb. Natiqlər bu ölkədə fəaliyyət göstərən diaspor təşkilatlarının, icma üzvlərinin və fəallarının birgə fəaliyyətini əlaqələndirmək, soydaşlarımızın milli kimliklərini qoruyub-saxlamaq, yerli cəmiyyətə inteqrasiyasına dəstək olmaq, onların hüquqlarının müdafiəsi sahəsində birgə iş aparmaq baxımından Koordinasiya Şurasının rolunu yüksək qiymətləndiriblər.
Toplantı AAKŞ-nin idarə heyətinin 9 üzvünün seçilməsi və əsasnamənin qəbul edilməsi ilə yekunlaşıb.
Femida.az
Oxunub: 1169
Oxşar xəbərlər
- Amerikalı sərmayədarlar azad olunan ərazilərin bərpasında iştirak edəcək
- Amerikalı həkimlər uzunömürlülüyün daha bir sirrini tapıblar
- Amerika Yəhudi Komitəsinin baş ravvini ermənilərin iddiasını əsassız sayıb
- Amerikalı konqresmen koronavirusdan ölüb
- Amerikanın Erməni Milli Komitəsinin terror təşkilatı kimi tanınması üçün petisiya açıldı
- Amerikalı yəhudilər azərbaycanlılara qarşı vəhşilikləri pislədi
- Amerikalı diplomatın arvadı Britaniya və ABŞ arasında qalmaqala səbəb ola bilər
- Amerikalı milyarder həbsxanada intihar edib
- Amerika öz ştatına bomba atdı
- Amerikanın qırıcıları “vəhşi rejimi”ində İran sərhədlərində göründü -VİDEO