TƏBİB: Şirvanda yoluxma mənbəyinin lokal qapanması barədə qərar qəbul edilib
10:35 27 Avqust 2020
Son günlər Şirvan şəhərində koronavirusa yoluxma faktlarının intensivliyinin artmasının tibb müəssisələrindən qaynaqlandığı müəyyən edilib.
TƏBİB-dən Femida.az -a verilən məlumata görə, bu məqsədlə Şirvan şəhərinə monitorinq məqsədi ilə TƏBİB-in işçi qrupu ezam olunub və bir sıra qüsurlar aşkarlanıb. Bu qüsurların aradan qaldırılması məqsədilə, Şirvan şəhər Mərkəzi Xəstəxanası və Şirvan şəhər Müalicə-Diaqnostika Mərkəzində bir sıra tədbirlər görülüb.
Daha ciddi preventiv tədbirlərin görülməsi üçün ÜST-ün baş epidemioloqunun son tövsiyələri və indiyədək əldə olunmuş təcrübə nəzərə alınaraq, bütövlükdə şəhərin deyil, yoluxma mənbəyinin lokal qapanması barədə qərar qəbul edilib. Belə ki, əhali əvvəlcədən məlumatlandırılmaqla, zəruri izolyasiya və dezinfeksiya tədbirlərinin həyata keçirilməsi məqsədilə Şirvan Şəhər Mərkəzi Xəstəxanası, eləcə də Şirvan Şəhər Müalicə-Diaqnostika Mərkəzinə xəstə qəbulu müvəqqəti olaraq dayandırılacaq. Bu zaman, xəstəxanada əvvəlcədən müalicə alan xəstələrin müalicəsi davam etdiriləcək, yeni müraciət edən xəstələrə ambulator və stasionar xidmətlərin göstərilməsi ətraf rayonların xəstəxanalarında təmin ediləcək.
Qeyd edək ki, Nazirlər Kabineti yanında Operativ Qərargah ÜST-ün tövsiyələrini nəzərə alaraq, yoluxma intensivliyinin çox olduğu ərazilərdə yoluxma mənbəyinin lokal qapanma tədbirlərinə üstünlük verəcək.
Oxunub: 3472
Oxşar xəbərlər
- TƏBİB: "Son günlər yoluxma kəskin artır"
- TƏBİB: Hazırda reanimasiyada 117 xəstə var
- TƏBİB: Hazırda 168 koronavirus xəstəsi reanimasiyadadır
- TƏBİB: Həftəsonu qapanmalarda istədiyimiz nəticə alınmadı
- TƏBİB: Abituriyentlərin virus testindən keçirilməsi tələbi yoxdur
- TƏBİB: Bir çox yerdə yaşı 65-dən yuxarı həkimlərin fəaliyyəti məhdudlaşdırılıb