BQXK itkin düşmüş şəxslərin həyatını əks etdirən video-çarx hazırladı
18:33 30 Avqust 2020
F Bu gün dünyada baş verən silahlı münaqişələr, zorakılıq halları, miqrasiya və təbii fəlakətlər nəticəsində itkin düşmüş yüz minlərlə insanı yad etmək, onların ailələrinə dəstək olmaq məqsədilə Beynəlxalq İtkin Düşmüş Şəxslər günü kimi qeyd olunur.
Beynəlxalq Qızıl Xaç Komitəsinin Azərbaycan nümayəndəliyindən Femida.az -a verilən məlumata görə, regionda 25,000-dən artıq insan, 90-cı illərdə Dağlıq Qarabağ münaqişəsi ilə əlaqədar itkin düşmüş 4,500-dən çox doğması haqqında xəbər almaq ümidi ilə yaşayır. Yeni xəbərin olmadığı hər bir gün yaxınlarının taleyinin aydınlaşdırılmasını gözləyən insanlar üçün narahatlıq və qeyri-müəyyənliklə dolu növbəti günə çevrilir.
BQXK 20 ildən artıq bir müddətdir ki, qeyri-müəyyənlik içərisində yaşayan, iqtisadi, inzibati və hüquqi çətinliklərlə üz-üzə qalan ailələrin suallarına cavab tapa bilmək üçün aidiyyəti orqanlara dəstək göstərməkdədir. Qlobal COVID-19 pandemiyası ailələrin çəkdikləri əziyyətləri bir qədər daha artırıb.
Beynəlxalq Qızıl Xaç Komitəsi (BQXK) itkin düşmüş şəxslərin talelərinin aydınlaşdırılması istiqamətində aidiyyəti qurumlarla sıx əməkdaşlıq edir. Beynəlxalq Qızıl Xaç Komitəsinin Bakı Nümayəndəliyi bu istiqamətdə Əsir və itkin düşmüş, girov götürülmüş vətəndaşlarla əlaqədar Dövlət Komissiyası ilə birlikdə 3,800 itkin düşmüş şəxs haqqında ətraflı məlumat toplanılmasını başa çatdırıb və öz zəngin təcrübəsini Dövlət Komissiyası ilə paylaşmağa davam edir.
BQXK, itkin düşmüş şəxslərin ailələrinə dəstək olmaq üçün onların keçirdikləri kompleks hissləri, yaşadıqları qeyri-müəyyənlik vəziyyətini və bununla necə başa çıxdıqlarını əks etdirən video hazırlanıb.
Femida.az
Oxunub: 1268
Oxşar xəbərlər
- BQXK: "Azərbaycanda minlərlə insan hələ də yaxınları barədə məlumat gözləyir"
- BQXK-nın baş direktoru Lavrovla Qarabağı müzakirə edəcək
- BQXK nümayəndələri erməni diversantlarla görüşüb
- BQXK əsirlərə baş çəkib
- BQXK Qarabağda əməkdaşlarının sayını dörd dəfə artırır
- BQXK prezidenti Qarabağda meyitlərin mübadiləsi ilə bağlı açıqlama verib
- BQXK cəsədlərin və əsirlərin mübadiləsinə hazırdır
- BQXK meyitlərin Ermənistana təhvil verilməsi ilə bağlı açıqlama yaydı
- BQXK Bərdəyə hücumla bağlı bəyanat yaydı
- BQXK Ermənistana 1500 hərbçinin meyitini təhvil verib