Müdafiə nazirləri razılaşdı, birgə təlimlər keçiriləcək
16:30 04 Sentyabr 2020
MDB, Şanxay Əməkdaşlıq Təşkilatı (ŞƏT) və Kollektiv Təhlükəsizlik Müqaviləsi Təşkilatına (KTMT) üzv olan ölkələrin müdafiə nazirləri terrorizmə qarşı mübarizədə əməkdaşlığı genişləndirmək barədə razılığa gəliblər.
Femida.az xəbər verir ki, bu barədə Rusiyanın Müdafiə naziri Sergey Şoyqu bildirib.
Onun sözlərinə görə, bu qurumların ilk birgə təlimləri “Qafqaz - 2020” çərçivəsində baş tutacaq.
"Sentyabr ayının sonunda “Qafqaz -2020” strateji komanda-qərargah təlimində terrorizmlə mübarizə üzrə ortaq tapşırıqların işlənməsi təklif edildi", - deyə Şoyqu Rusiyada keçirilən MDB, ŞƏT və KTMT-nın müdafiə nazirlərinin birgə iclasının yekunları barədə danışarkən bildirib.
O əlavə edib ki, müdafiə nazirləri birgə kommünikedə terrorizm və ekstremizmə qarşı mübarizəni prioritet adlandırıblar.
İlk birgə təlimlərin hansı formatda baş tutacağı hələ dəqiqləşdirilməyib.
Qeyd edək ki, Azərbaycanın Müdafiə naziri, general-polkovnik Zakir Həsənov da həmin iclasda iştirak edib.
Femida.az
Oxunub: 1225
Oxşar xəbərlər
- Müdafiə Nazirliyi həftəlik icmalını təqdim edib
- Müdafiə naziri Azərbaycan Ordusuna istənilən təxribatın qarşısını almağa daim hazır olmağı əmr edib
- Müdafiə Nazirliyi ermənilərdən azad olunan yüksəkliklərin adını açıqlayıb
- Müdafiə Nazirliyinin iki hərbi qulluqçusu xəstəlikdən vəfat edib
- Müdafiə Nazirliyinin sabiq baş zabiti həbs edilib
- Müdafiə Nazirliyi əsgərlər üçün kitab toplayır
- Müdafiə Nazirliyi ev almaq istəyən hərbçilərə müraciət edib
- Müdafiə Nazirliyi əsgərin sosial şəbəkələrdə yaydığı fikirlərə münasibət bildirib
- Müdafiə Nazirliyinin Suqovuşanda “N” saylı hərbi hissəsinin açılışı olub
- Müdafiə Nazirliyi azad olunan ərazilərdə aşkarladığı minaların sayını açıqlayıb