MDB Müdafiə nazirləri ərazi bütövlüyünü dəstəkləyən bəyanat qəbul ediblər
18:44 04 Sentyabr 2020
Rusiya Federasiyasında işgüzar səfərdə olan Azərbaycan Respublikasının Müdafiə naziri, general-polkovnik Zakir Həsənov sentyabrın 4-də Moskvada keçirilən Müstəqil Dövlətlər Birliyi iştirakçı dövlətləri və Şanxay Əməkdaşlığı Təşkilatı üzv dövlətləri Müdafiə Nazirləri Şurasının növbəti iclasında iştirak edib.
Müdafiə Nazirliyindən Femida.az-a verilən məlumata görə, general-polkovnik Zakir Həsənov çıxışında Ermənistan-Azərbaycan Dağlıq Qarabağ münaqişəsinin uzun illərdir davam etdiyini, bunun nəticəsində bir milyondan çox soydaşımızın qaçqın və məcburi köçkün düşdüyünü görüş iştirakçılarının diqqətinə çatdırıb.
Azərbaycanın Müdafiə naziri vurğulayıb ki, ərazilərimizin 20 faizinin MDB-nin üzvü olan bir dövlət tərəfindən işğalı faktı beynəlxalq hüququn norma və prinsiplərinə, o cümlədən bu Birliyin normalarına və ruhuna ziddir.
Ermənistan tərəfinin Ermənistan-Azərbaycan dövlət sərhədinin Tovuz rayonu istiqamətində törətdiyi genişmiqyaslı təxribatın regional təhlükəsizliyə təhdid yaratdığını qeyd edən Müdafiə naziri eyni zamanda rəsmi Yerevanın Azərbaycanla MDB-yə üzv olan dövlətlər arasında münasibətlərə xələl gətirmək məqsədi güddüyünü də bildirib.
İclasın yekununda Böyük Vətən Müharibəsində Qələbənin və İkinci Dünya müharibəsinin bitməsinin 75 illiyi ilə bağlı birgə bəyanat imzalanıb.
Bəyanatı imzalayan Müdafiə nazirləri bir sıra məsələlərə münasibət bildirməklə yanaşı BMT-nin məqsəd və prinsiplərinə, qəbul edilmiş beynəlxalq hüququn normalarına, xüsusilə suverenlik və ərazi bütövlüyü prinsiplərinə sadiq qaldıqlarını təsdiq ediblər.
Femida.az
Oxunub: 1332
Oxşar xəbərlər
- MDB-nin xüsusi xidmət orqanları "Taliban"ın hərəkətlərin izləyir
- MDB Daxili İşlər Nazirləri Şurasının iclası keçirilib
- MDB baş prokurorlarının müşavirəsi keçirilib
- MDB Parlamentlərarası Asambleyasının sessiyası başladı
- MDB-nin Müşahidə Missiyası seçkilərlə bağlı aralıq hesabatını yayıb
- MDB PA missiyası Azərbaycanda parlament seçkilərini müşahidə edəcək
- MDB ölkələrinin müdafiə nazirləri Şəhidlər xiyabanında
- MDB Müdafiə Nazirləri Şurasının Bakı iclasının proqramı açıqlandı
- MDB Müdafiə Nazirləri Şurasının növbəti iclası Bakıda keçiriləcək
- MDB xəttilə axtarışa verilən İran vətəndaşı Azərbaycanda saxlanıldı