Dilqəm Şuşadan ailəsinə məktub göndərdi
22:17 11 Dekabr 2015
“Mənə görə narahat olmayın. Vəziyyətim yaxşıdır”.
Bu sözləri ermənilər tərəfindən Kəlbəcərdə girov götürülən Dilqəm Əsgərov ailəsinə göndərdiyi məktubda yazıb.
Dilqəmin qardaşı Sahib Musayev AzVision.az-a açıqlamasında erməni girovluğunda olan qardaşının məktubundan danışıb:
“Dilqəm məktubda yazıb ki, hər şey yaxşıdır. Ona qış paltarları göndərmişdik. Yazıb ki, həmin paltarları alıb və geyinir. Hər kəsə salam yazıb. Səhhətində də elə ciddi problem olmadığını qeyd edib”.
S.Musayev Dilqəmin məktubunda müəyyən yerlərin silindiyini deyib.
“Əvvələr məktubda olan bəzi cümlələri ağardıcı qələmlərlə pozardılar. İndi isə rənglı kraska ilə silinib”.
Xatırladaq ki, ötən ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülüblər, Azərbaycan vətəndaşı Həsən Həsənov isə güllələnərək öldürülüb.
H. Həsənovun meyiti düşməndən alınaraq Bakıda dəfn edilib.
İşğal altındakı Dağlıq Qarabağda D. Əsgərov və Ş. Quliyev üzərində qanunsuz “məhkəmə” qurublar. “Məhkəmə”nin qərarı ilə D. Əsgərov ömürlük, Ş. Quliyev isə 22 il müddətinə azadlıqdan məhrum edilmə cəzasına məhkum olunub.
Oxunub: 859
Oxşar xəbərlər
- Dilqəm Əsgərov və Şahbaz Quliyevlə görüş olub
- Dilqəmin oğlu ATƏT-in sammitində çıxış etdi: `Atamı ermənilər oğurlayıb`
- Dilqəm Əsgərovun oğlu ATƏT-də çıxış edəcək
- Dilqəm Əsgərov məktublara cavab yazmır
- Dilqəm Əsgərovun atası vəfat etdi
- Dilqəm məktub yazdı: `İsti paltar lazım deyil`
- Dilqəm Əsgərovun ailəsi prezidentə müraciət etdi
- Dilqəmin ailəsi yenidən Putinə müraciət edəcək - FOTO
- Dilqəm Əsgərov ermənilərdən rəhm istəmədi
- Dilqəm və Şahbaz ailələri ilə “Skype”-da danışacaq