"Lotu Quli"nin yaxın adamının məhkəməsi başlayır - FOTO
18:55 15 Sentyabr 2020
Bakıda qanunsuz silah saxlamaqda təqsirləndirilən Tofiq Qaranizadənin barəsində cinayət işinin istintaqı başa çatıb.
APA-nın məlumatına görə, təqsirləndirilən şəxs barəsində toplanan cinayət işinin materialları baxılması üçün Nərimanov rayon Məhkəməsinə göndərilib.
Cinayət işi hakim Vüsal Qurbanovun icraatına verilib.
Qeyd edək ki, Baş Mütəşəkkil Cinayətkarlıqla Mübarizə İdarəsinin əməkdaşları tərəfindən əllərdə qanunsuz saxlanılan odlu silah-sursatın aşkar edilməsi istiqamətində bir neçə əməliyyat tədbiri həyata keçirilib.
Baş İdarəyə Tofiq adlı şəxsin üzərində qanunsuz olaraq silah gəzdirməsi barədə əməliyyat məlumatı daxil olub. Keçirilən təxirəsalınmaz tədbir nəticəsində həmin şəxs, paytaxt sakini Tofiq Qaranizadə Nəsimi rayonu ərazisində tutulub. Onun üzərində şəxsi axtarış aparılan zaman 1 ədəd “Makarov” markalı tapança, 1 ədəd daraq və 5 ədəd patron aşkar olunaraq götürülüb.
Onu da qeyd edək ki, Tofiq Qaranizadə "Lotu Quli" ləqəbi ilə tanınan Nadir Səlifovun yaxın adamıdır. O, bir neçə il əvvəl Bakıda "Bulaq" restoranında kriminal avtoritetlər arasında baş verən atışmada iştirak etdiyi üçün tutulub. Məhkəmənin hökmü ilə 7 il azadlıqdan məhrum edilən Tofiq Qaranizadə bu yaxınlarda vaxtından əvvəl azadlığa buraxılıb.
Oxunub: 738
Oxşar xəbərlər
- Bakıda gecə klubunda QƏTL: “Lotu Quli”nin yaxını qız üstündə adam öldürdü - TƏFƏRRÜAT
- Bakı sakini "Lotu Quli"yə görə bıçaqlanıb
- “Lotu Quli” İstanbulda dəfn ediləcək
- "Lotu Quli" Türkiyədə qətlə yetirilib
- Ukraynada “Lotu Quli”nin adamları həbs olunub
- Bakıda "Lotu Quli"nin yaxın adamı tutulub - FOTO
- “Lotu Quli”ni öldürmək istəyənlər saxlanılıb - YENİLƏNDİ
- Şəhid pilotun oğlu atasının məzarı üstündə - FOTOLAR
- NATO-nun ilk azərbaycanlı qadın pilotu: Ləman Bozqurd kimdir? -
- “Lotu Quli” “qanuni oğru” titulundan məhrum edilə bilər