Ombudsman aparatı: Gəncə Körpələr Evində həkim çatışmazlığı yaranıb
15:19 16 Sentyabr 2020
Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevanın tapşırığı əsasında Ombudsmanın Milli Preventiv Qrupunun üzvləri tərəfindən əvvəlcədən xəbərdarlıq etmədən Səhiyyə Nazirliyinin Gəncə Şəhər Körpələr Evinə planlı başçəkmə həyata keçirilib.
Ombudsman Aparatından "Femida.az-a bildirilib ki, BMT-nin “İşgəncə və digər qəddar, qeyri-insani və ya ləyaqəti alçaldan rəftar və ya cəza əleyhinə Konvensiya"sının Fakültativ Protokolu və Ombudsman haqqında Konstitusiya Qanunu əsasında təşkil olunmuş başçəkmədə məqsəd saxlanılma şəraitinin və rəftar məsələlərinin araşdırılması, müəssisədə saxlanılan valideyn himayəsindən məhrum olmuş uşaqların hüquqlarının təmini vəziyyətinin öyrənilməsi olub.
Başçəkmə çərçivəsində müəssisənin bütün ərazisinə, o cümlədən yataqxana, mətbəx, ərzaq anbarı, hamam və digər yerlərə baxışlar keçirilib, tibbi yardımın təşkili, qidalanma və kommunal xidmətlərin təminatı ilə bağlı mövcud vəziyyət və sənədləşmə araşdırılıb.
Başçəkmə zamanı Gəncə Şəhər Körpələr Evində ixtisaslı həkim çatışmazlığı, körpələr evinidə kommunal xidmətlərin təminatının yaxşılaşdırılmasına ehtiyac olduğu müəyyən edilib.
Başçəkmənin yekununda müəssisə rəhbərliyi ilə söhbətlər aparılıb, körpələr evi sakinlərinin hüquqlarının daim diqqətdə saxlanılması istiqamətində müvafiq tövsiyələr verilib.
Başçəkmənin nəticəsi ilə bağlı Səhiyyə Nazirliyinə müraciət olunacaq.
Femida.az
Oxunub: 604
Oxşar xəbərlər
- Şamaxıda 7 saylı körpələr evi-uşaq bağçası açılıb
- Türkiyədə körpələrə səhvən koronavirus peyvəndi vurulub
- "Televizor və telefon körpələrdə autizmə meyillilik yaradır" - Baş pediatr
- 6 uşaq sığınacaq və körpələr evinə yerləşdirilib
- Naftalanda körpələr evi-uşaq bağçası istifadəyə verilib
- Azərbaycanda körpələrə Polad adının verilməsi kəskin artıb
- Ombudsman 1 saylı Körpələr Evində çatışmazlıqlar aşkarladı
- Bu il doğulan körpələrin sayı açıqlandı
- Şamaxıda körpələr-evi uşaq bağçası istifadəyə verilib
- Mehriban Əliyeva 64 saylı körpələr evi-uşaq bağçasında olub