"Ali təhsil dövrü staj kimi qəbul edilir" - DSMF rəsmisi
14:03 21 Sentyabr 2020
Əmək və Əhalinin Sosial Müdafiəsi Nazirliyinin qərarı ilə ali təhsil dövrü artıq staj kimi qəbul edilir. Əvvəlki dövrlərdə bu, yox idi.
Femida.az-ın məlumatına görə, bunu Əmək və Əhalinin Sosial Müdafiəsi Nazirliyi nəzdində Dövlət Sosial Müdafiə Fondunun (DSMF) əməkdaşı Ayxan Məcidov "Pensiya təyinatı və hesablanma qaydaları"na həsr olunan canlı bağlantıda deyib.
Onun sözlərinə görə, bu yenilik vətəndaşların pensiyalarının artımına bir dəstəkdir.
A.Məcidov əlavə edib ki, avtomatlaşdırılmış qaydada pensiya təyinatı həyata keçirilən şəxslər onlara təyin edilən pensiyanın mələğindən narazı qaldıqları halda DSMF-nin yerli şöbələrinə və ya DOST Mərkəzinə müraciət edə bilərlər. Bu halda vətəndaş üçün əsas sənəd əmək kitabçasının surəti olacaq. Vətəndaş əmək kitabçasının surətini təqdim etdiyi halda onun pensiyasının məbləğinə yenidən baxılacaq:
“Əgər müraciət edən kişidirsə, onun hərbi xidmətdə olduğu müddət də staj kimi qəbul edilir. Eyni zamanda vətəndaş diplomu da tədim etməklə ümumi stajını yenidən hesablatdıra bilər".
A.Məcidov qeyd edib ki, 2006-cı ilədək vətəndaşların təhsil müddəti staj kimi qəbul edilirdi. Buna görə də 2006-cı ilədək pensiyaya çıxanlar üçün də təhsil müddəti staj kimi qəbul edilib. 2006-cı ildən sonra isə hazırkı “Əmək pensiyası” haqqında qanunun qüvvəyə minməsi ilə əlaqədar sığorta stajı yeni qaydalarla müəyyən edildi və nəticədə təhsil müddəti staj kimi nəzərə alınmadı. Lakin sonradan aparılan islahatlar nəticəsində artıq təhsil dövrü staj kimi qəbul edildi. Buna görə də 2006-cı ildən sonrakı müddətdə əmək pensiyası hüququ əldə edən vətəndaşların təyinat zamanı stajı nəzərə alınmayıbsa, onların pensiya məbləğinin yenidən hesablanması üçün müraciət etmək hüququ var”.
Femida.az
Oxunub: 1020
Oxşar xəbərlər
- Ali Məhkəmə Əli Əliyevin kassasiya şikayətini təmin etməyib
- Ali Attestasiya Komissiyası sədrinə yeni müavin təyin olunub
- Ali Attestasiya Komissiyasının Rəyasət Heyətinin üzvü vəfat edib
- Ali Məhkəmə sevgilisini öldürən qadınla bağlı qərar elan edib
- Ali Məhkəmə “Azərişıq” ASC-nin şöbə rəisi ilə bağlı qərar elan edib
- Ali Məhkəmə sevgilisinin qətlini sifariş edən qadınla bağlı qərar çıxarıb
- Ali məktəb və kolleclərə ərizə qəbulu başa çatıb
- Ali məktəblərə tələbə qəbulu qaydalarına dəyişiklik edilib
- Ali məktəblərin magistraturalarına qəbul imtahanı başa çatıb
- Ali Məhkəmə xəstəxanada ana ölümünə görə ginekoloqla bağlı qərar elan edib