Ehtiyatdakıların hərbi təlimə çağırılmasında təşvişə əsas yoxdur - RƏSMİ


19:59     21 Sentyabr 2020 azerbaycan_mudafie_nazirliyi_220416_10.jpg

"Ehtiyatda olan hərbi vəzifəlilərin hərbi təlim toplanışına çağırılması heç bir təşviş üçün əsas vermir".


Femida.az xəbər verir ki, bunu Səfərbərlik və Hərbi Xidmətə Çağırış üzrə Dövlət Xidmətinin İctimaiyyətlə əlaqələrlə şöbəsinin rəhbəri Füzuli İsmayılov deyib.

Onun sözlərinə görə, "Hərbi vəzifə və hərbi xidmət haqqında" qanuna əsasən, hərbi vəzifəlilər ehtiyatda olduqları müddətdə hərbi təlimə çağırılırlar: "Ehtiyatda olan hərbi vəzifəlilərin bilik və bacarıqlarının təkmilləşdirilməsi üçün hərbi təlim toplanışına çağırılması bundan əvvəlki dövrlərdə də həyata keçirilib. Hazırda da ehtiyatda olan hərbi vəzifəlilərin hərbi təlim toplanışları həyata keçirilir və bu, plan üzrə həyata keçirilir. Bir daha xatırladırıq ki, qanunvericiliyə əsasən, Səfərbərlik və Hərbi Xidmətə Çağırış üzrə Dövlət Xidməti tərəfindən ehtiyatda olan hərbi vəzifəlilər çağırılıb və hərbi hissələrə yola salınıb. Əhaliyə və ictimaiyyətə müraciət edirik ki, heç bir təşvişə əsas yoxdur".

Femida.az

Açar sözlər:

Oxunub: 284


Oxşar xəbərlər