"ABAD" 4 yaşında - VİDEO
19:59 23 Sentyabr 2020
Bu gün “ABAD” publik hüquqi şəxsin yaradılmasının 4-cü ildönümüdür.
“ABAD” (Ailə Biznesinə Asan Dəstək) publik hüquqi şəxs Azərbaycan Respublikasının Prezidenti İlham Əliyevin 23 sentyabr 2016-cı il tarixli Fərmanı ilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində yaradılıb.
Qurumun yaradılmasında məqsəd Azərbaycan Respublikasının sosial-iqtisadi inkişafında vətəndaşların fəal iştirakına, mikro, kiçik və orta sahibkarlığın inkişafına, əhalinin məşğulluq səviyyəsinin artırılmasına və rəqabətqabiliyyətli ailə təsərrüfatlarının formalaşdırılmasına dəstək verməkdir.
“ABAD” dekorativ-tətbiqi xalq sənətkarlığı və qida məhsullarının istehsalı sahəsində fəaliyyət göstərən ailə bizneslərinə dəstək layihələrini həyata keçirilir. Həmin layihələrin icrasının təmin edilməsi məqsədi ilə yerli, xarici və beynəlxalq şirkət və təşkilatlarla əməkdaşlıq münasibətləri qurulub və investisiyalar cəlb edilib. Qeyd edək ki, istehsal olunan məhsulların üzərində istehsalçı ailənin adı ilə yanaşı, məhsulun “ABAD”ın nəzarəti altında hazırlandığını göstərən müvafiq nişan yerləşdirilir.
“ABAD”ın dəstək proqramına biznes-planlaşdırma, avadanlıqla təchizedilmə, marketinq, brendinq və dizayn, mühasibatlıq, təlimlər, hüquqi yardım, qablaşdırma, logistika və ən əsası, satışın təşkili daxildir.
Ötən müddət ərzində “ABAD” öz fəaliyyətini Masallı, Balakən, Quba, Şəki, İmişli və Tovuz olmaqla 6 regional mərkəz, 10 etno-butik (İçərişəhər, Hava Limanı, Dəmiryolu vağzalı, Fairmont Baku mehmanxanası, Milli Gimnastika Arenası, 3 saylı Bakı “ASAN xidmət” Mərkəzi, Masallı “ASAN Həyat” kompleksi, Şamaxı rayonu - Dəmirçi kəndi, Qəbələ rayonu-Tufan dağ dağ-xizək kurortu, Şəki “Keramika və tətbiqi sənət” mərkəzi), 5 “Food Hall” ( İmişli, Şəki, Şamaxı, Kürdəmir və Ağcabədi), Şəki Keramika və Tətbiqi Sənət Mərkəzi, “Bravo” marketlər şəbəkəsində təşkil edilmiş 8 “ABAD” bakaleyaları və stendləri (Koroğlu, Babək, Əhmədli, 20 Yanvar, Gənclik Mall, 28 Mall, Dəniz Mall və Şokolad Tower), 22 ədəd istehsal konteyneri (10 ədəd Masallı və 12 ədəd Balakən), iki “ABAD Factory” (Quba “ABAD Factory” İstehsalat Kompleksi və Tovuz “ABAD Factory” Bitkilərin Qurudulması və Emalı Fabriki) və iki "ABAD" Məktəb (Quba və Tovuz) vasitəsilə həyata keçirib.
“ABAD” pilot layihə olaraq fəaliyyətə Masallı rayonunda 7 təssərüfatçı ailə ilə başlayıb və bu günə kimi 466 ailəyə dəstək göstərib, hazırda onlardan 419-u (334 sənətkar, 79 qida, 5 digər və 1 gigiyenik vasitə) ilə əməkdaşlıq davam etdirilir. “ABAD”ın dəstək göstərdiyi “ABAD”çılarla həyata keçirilmiş kommersiya fəaliyyəti nəticəsində “ABAD”çıların minlərlə çeşiddə sənətkarlıq, kənd təsərrüfatı və digər müxtəlif növ məhsulları satışa çıxarılıb.
Yaxın persprektivdə Quba “ABAD Factory” 2 (Qablaşdırma və İstehsalat Kompleksi), Nardaran Keramika və Tətbiqi Sənət mərkəzinin açılışı, dəstək istiqamətlərinin və “ABAD”çıların sayının artırılması nəzərdə tutulur.
Femida.az
Oxunub: 552
Oxşar xəbərlər
- Sabirabadda avtomobil piyadanı vuraraq öldürüb
- Cəlilabadın icra başçısının müavini işdən çıxarılıb
- Cəlilabadda yol qəzası olub, xəsarət alanlar var
- Sabirabadda yeniyetməni avtomobil vuraraq ağır xəsarət yetirib
- Cəlilabadda kütləvi dava olub, biri yeniyetmə olmaqla üç nəfər xəsarət alıb
- Kamran Əliyev İmişli, Saatlı, Sabirabad və Cəbrayıl sakinlərini qəbul edib
- Cəlilabadda 30 yaşlı şəxs intihar edib
- Cəlilabadda yol qəzası olub, xəsarət alanlar var
- Sabirabadda yol qəzası olub, 1 nəfər ölüb, 3 nəfər xəsarət alıb
- Sabirabadda arvadını intihar həddinə çatdırmaqda təqsirləndirilən şəxsə hökm oxunub