Düşmənin atdığı top mərmisi Tərtərdə yaşayış evinə düşüb

13:00     30 Sentyabr 2020

Ermənistan silahlı qüvvələrinin bölmələri Tərtər şəhərini artilleriya atəşinə tutmaqda davam edir.

Femida.az xəbər barədə "Report"un cəbhə bölgəsinə ezam olunmuş əməkdaşı xəbər verir.

Sentyabrın 30-u səhər saatlarında düşmənin növbəti dəfə atdığı top mərmilərindən biri şəhərin mərkəzində yerləşən yaşayış binasının ikinci mərtəbəsindəki mənzilə düşüb. Nəticədə evə ziyan dəyib.

Ev sahibi Tofiq Ağayev "Report"un əməkdaşına bildirib ki, hadisə zamanı evdə olub: "Biz digər otaqda televizora baxırdıq. Birdən yataq otağından mərmi səsi gəldi. Allaha şükür ki, xəsarət alan yoxdur".

Açar sözlər:

Oxunub: 381