“Biz istəyirik ki, məsələ sülh yolu ilə həll olunsun” - İlham Əliyev
17:25 05 Oktyabr 2020
Bizim tələblərimiz var. Bizə çox ciddi zəmanətlər verilməlidir. Beynəlxalq vasitəçilər bizə bu zəmanətləri təsdiq etməlidirlər. Eyni zamanda, Ermənistanın işğal edilmiş torpaqlardan çıxmaq qrafiki bizə verilməlidir, hansı gün hansı bölgədən çıxacaq. Təbii ki, o zaman müharibə dayanacaq. Çünki biz istəyirik ki, bu məsələ sülh yolu ilə həll olunsun, amma həll olunsun.
Femida.az xəbər verir ki, bu fikirləri Prezident İlham Əliyev “TRT Haber” telekanalına müsahibəsində səsləndirib.
“Bəzi vasitəçilər istəyirlər ki, sadəcə atəşkəs olsun. Atəşkəs isə 1994-cü ildən qüvvədədir. Bu illər ərzində niyə bu məsələ həll olunmadı? Birləşmiş Millətlər Təşkilatının qərarları niyə icra edilmədi? Təcavüzkar dövlətə sanksiyalar niyə tətbiq edilmədi?”, - deyə dövlətimizin başçısı vurğulayıb.
Bütün bu sualların havada qaldığını bildirən Prezident deyib: “Bu suallara cavab yoxdur. Bu gün Azərbaycanın şanlı Ordusu öz uğurlu əməliyyatlarını keçirərkən, bizim dədə-baba torpaqlarımızı azad edərkən bu çağırışlar gəlir ki, nəbadə irəliyə getməyin, ara verin. Müharibənin öz qaydaları, öz qanunları var. Hər günün öz əhəmiyyəti var, önəmi var. Biz ara versək, qarşı tərəf toparlanacaq, əlavə qüvvə yığacaq. Onsuz da onların çıxışlarında göstərilir ki, Ermənistanın xaricində yaşayan erməniləri də onlar bu müharibəyə cəlb edirlər. Beləliklə, bu müharibəni regional müstəvidən çıxarıb qlobal müharibəyə çevirmək istəyirlər. Ona görə bizim atəşkəslə bağlı sözümüz birdir. Biz buna hazırıq. Amma müəyyən şərtlər var ki, onları da mən açıqlamışam”.
Femida.az
Oxunub: 495
Oxşar xəbərlər
- “Bizdə olan hərbi əsirlərin hamısını qaytarmışıq” - İlham Əliyev
- “Bizim heç bir muzdluya ehtiyacımız yoxdur” - İlham Əliyev
- İlham Əliyev: “Biz o torpaqları cənnətə çevirməliyik”
- “Biz bu yerləri ekoloji cənnət zonalarına çevirməliyik” - İlham Əliyev
- “Bizimlə təkbətək vuruş, görək axırı nə olacaq” - Prezidentdən Ermənistan rəhbərliyinə
- “Bizim sözlərimiz heç vaxt əməllərimizə zidd olmur” - İlham Əliyev
- “Biz dost, qardaş ölkələrik” - Prezident
- “Biz Rusiyaya elə-belə getmədik” - Ərdoğan
- “Biz bu səviyyəyə əmi, dayı zəngi ilə gəlməmişik” - Afaq Bəşirqızı (VİDEO)
- “Biz işçiləri və onların gələcəyini qoruyuruq" - Nazir