Paşinyan BBC-nin sualları qarşısında aciz qaldı

09:46 07 Oktyabr 2020

Ermənistanın baş naziri Nikol Paşinyan BBC-nin əməkdaşı İohan Fişerin sualları qarşısında aciz qalıb.

Paşinyan "Qarabağ Ermənistanındır, oranın əhalisinin 80 faizdən çoxunu ermənilər təşkil edib. Problem ondan ibarətdir ki, Azərbaycan ermənilərin orada yaşamamasını istəyir. Buna görə də Dağlıq Qarabağa hücumlar edir" kimi təxribatçı bəyanatını təkrar edib.

Maraqlıdır ki, Ermənistan baş naziri elə bəyanatın ardından "biz güzəştə hazırıq" deyib.

Jurnalistin "Hazırkı beynəlxalq qərarlarda Ermənistanın Dağlıq Qarabağı və ona bitişik əraziləri 25 ildən artıqdır ki işğal etdiyi deyilir. Beynəlxalq qanunlar, BMT TŞ qətnamələri…" sualına cavabında Paşinyan deyib: "Təəssüf ki, çox adam onları oxumadan istinad edir. Orada Ermənistanın haranısa işğal etdiyi deyilmir".

İ.Fişer isə bildirib: "Lakin orada qeyd olunur ki, Qarabağ Azərbaycana məxsusdur. Qətnamələrdə belə deyilir".

Paşinyan bu suala cavab vermir və " bu gün Qarabağda ermənilərin təhlükə ilə üz- üzə olmasından" danışır.

"Rusiya Prezidenti Putinlə son danışığınız zamanı Ermənistan ərazisinin vurulacağı təqdirdə Yerevanın Rusiyadan hərbi yardım görəcəyinə dair razılığa gəlmisiniz?" sualını da Paşinyan cavabsız qoyur və sual ətrafında manipulyasiya etməyə başlayır. (APA)

Femida.az