Xorvatiyanın sabiq Baş Naziri İlham Əliyevə məktub göndərib


17:03     12 Oktyabr 2020 2020/06/ilham_aliyev_main_new_president_310120_1_1591084345.jpg

2009-2011-ci illərdə Xorvatiyanın Baş Naziri, Nizami Gəncəvi Beynəlxalq Mərkəzinin üzvü Yadranka Kosor Azərbaycan Prezidenti İlham Əliyevə məktub göndərib.

Femida.az-ın xəbərinə görə, məktubda deyilir:

"Zati-aliləri.

Biz hazırkı vəziyyəti böyük narahatlıqla izləyirik. Bütün dünyanın ölümcül COVID-19-a qarşı mübarizə apardığı bir vaxtda uşaqların qətlə yetirilməsi və şəhərlərin dağıdılmasına heç nə ilə haqq qazandırmaq olmaz. Bu, bəşəriyyətə qarşı törədilmiş cinayətdir.

Biz BMT və digər beynəlxalq təşkilatları daha fəal olmağa, həmçinin öz üzərlərinə götürdükləri öhdəlikləri yerinə yetirməyə çağırırıq.

Cənab Prezident, həmsədrlərimizin rəhbərliyi ilə beynəlxalq hüquq normalarının təşviqi istiqamətində çalışdığımız Nizami Gəncəvi Beynəlxalq Mərkəzinə və onun beynəlxalq statusuna göstərdiyiniz bütün dəstəyə görə Sizə minnətdarlığımızı bildiririk. Məhz bu dəstək sayəsində mərkəzimiz etibarlı və nüfuzlu beynəlxalq təşkilata çevrilib".

Femida.az

Açar sözlər:

Oxunub: 225