İsrailin keçmiş Prezidenti Azərbaycan Prezidentinə məktub göndərib
21:01 13 Oktyabr 2020
İsrailin sabiq Prezidenti, Knessetin keçmiş sədri, Nizami Gəncəvi Beynəlxalq Mərkəzinin üzvü Dalia İtzik Azərbaycan Prezidenti İlham Əliyevə məktub göndərib.
Femida.az-ın məlumatına görə, məktubda deyilir:
“Zati-aliləri,
Bu çətin dövrdə Sizə dəstəyimizi ifadə edir və xalqlarımız arasındakı möhkəm dostluq əlaqələrini bir daha vurğulayıram.
Son günlərdə mülki insanların qətlə yetirilməsi ilə əlaqədar Sizə dərin hüznlə başsağlığı verir, yaralıların tezliklə şəfa tapmasını diləyirəm. BMT Təhlükəsizlik Şurasının qətnamələrinə və Azərbaycanın ərazi bütövlüyünə hörmət edilməlidir.
Hazırda gözəl ölkəniz yeni çağırışla üz-üzədir. Ancaq təcrübəmiz bizə inanmağı və heç vaxt qorxmamağı öyrədib. Əminəm ki, uğurlu rəhbərliyiniz və müdrikliyiniz sayəsində Siz xalqınızı doğru yolla irəliyə aparacaq, bununla da hamı üçün sülhü və firavanlığı təmin edəcəksiniz.
Hörmətli cənab Prezident, həmçinin Nizami Gəncəvi Beynəlxalq Mərkəzinin uğurlu fəaliyyətini vurğulamaq istərdim. Mərkəzimiz nüfuzlu həmsədrləri, fəal və yaradıcı baş katibi ilə birlikdə hər zaman tolerantlığı, dialoqu, anlaşmanı və birgəyaşayışı təşviq edən qabaqcıl quruma çevrilməyə çalışır. Biz mərkəzdə bu məsələ ilə bağlı fikirlərimizi bölüşmək üçün mütəmadi görüşlər keçiririk”.
Oxunub: 472
Oxşar xəbərlər
- Prezident İlham Əliyev İsrailin sabiq Baş nazirini qəbul edib
- İsrailin Baş naziri öz vətəndaşlarını Ukraynadan qayıtmağa çağırıb
- Azərbaycan, Türkiyə və İsrailin ABŞ-dakı səfirləri görüşüb
- İsrailin Baş naziri ŞABAK-a yeni səlahiyyətlər verib
- İsrailin Azərbaycandakı səfiri Ağdama səfər edib
- "İsrailin Qarabağda mövcudluğu İranın uydurmasıdır" - İsrailin Rusiyadakı səfiri
- İsrailin iki aviaşirkəti Bakıya uçuşlar həyata keçirəcək
- İsrailin biznes dairələri Azərbaycanla əməkdaşlıqda maraqlıdır
- Mikayıl Cabbarov İsrailin xarici işlər naziri ilə görüşüb
- Bayden İsrailin yeni baş nazirini qəbul edəcək