Cəbhəboyu ərazilərdə mərmi qalıqları aşkarlandı
08:07 16 Oktyabr 2020
15 oktyabr tarixində Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağdam, Ağcabədi, Füzuli, Goranboy və Tərtər rayonları ərazisinə mərmilərin düşməsi barədə Daxili İşlər Nazirliyinin ″102″ Xidməti-Zəng mərkəzi sistemindən - 27 (iyirmi yeddi) və Fövqəladə Hallar Nazirliyinin Böhran Vəziyyətlərində İdarəetmə Mərkəzindən – 1 (bir) müraciət daxil olub.
ANAMA-dan Femida.az-a bildirilib ki, daxil olmuş 28 çağırış əsasında Agentliyin xüsusi mobil çevik əməliyyat qrupları tərəfindən Ağdam rayonunun Baharlı, Çəmənli kəndləri və 1-ci Baharlı qəsəbəsi, Ağcabədi rayonunun Arazbar, Bala Kəhrizli, Taynaq kəndləri və Hindarx qəsəbəsi, Füzuli rayonunun Alxanlı, Şükürbəyli və Əhmədalılar kəndləri, Goranboy rayonunun Tapqaraqoyunlu, Qaraçinar, Qızılhacılı, Balakürd, Meşəli kəndləri, Tərtər rayonunun Seydimli, Buruc kəndləri və C.Məmmədquluzadə, N.Nərimanov küçələri ərazisində Daxili İşlər Nazirliyinin əməkdaşları ilə birlikdə 14 operativ və təxirəsalınmaz əməliyyat çıxışı həyata keçirilib.
Aparılmış əməliyyat-axtarış tədbirləri zamanı 1 ədəd 100 mm-lik top mərmisi (OF-412), 1 ədəd tank əleyhinə idarə olunan raketin arxa mator hissəsi, 1 ədəd bombacıq və 16 ədəd partlamış mərmi qalıqları aşkar olunub.
Agentliyin Mina Təhlükəsinə dair Maarifləndirmə üzrə mütəxəsisslər tərəfindən 1 805 nəfər mülkü şəxs arasında mina təhlükəsizliyinə dair maarifləndirmə təbliğatı aparılıb.
Femida.az
Oxunub: 547
Oxşar xəbərlər
- Cəbhəboyu ərazilərdə partlamamış hərbi sursat aşkarlandı - FOTO
- Cəbhəboyu ərazilərdə ermənilərin basdırdıqları sursatlar aşkarlandı
- Cəbhəboyu ərazilərdə top mərmisi, raketlər, tank əleyhinə minalar zərərsizləşdirildi
- Cəbhəboyu ərazilərdə raket, top mərmiləri və dronlar zərərsizləşdirildi
- Cəbhəboyu ərazilərdə mərmi qalıqları aşkarlanıb
- Cəbhəboyu zonalar ermənilərin atdığı minalar təmizlənir
- Cəbhəboyu zonada yeni hərbi hissənin açılışı olub - VİDEO
- Cəbhəboyu zonada yeni mühəndis təyinatlı hərbi obyektlər istifadəyə verilib - VİDEO