Əsir erməni hərbçilər göstərilən münasibətə görə minnətdarlıq ediblər
17:04 18 Oktyabr 2020
Əsir və itkin düşmüş, girov götürülmüş vətəndaşlarla əlaqədar Dövlət Komissiyasının katibi İsmayıl Axundov Ermənistan silahlı qüvvələrinin cari il sentyabrın 27-də atəşkəs rejimini kobud şəkildə pozaraq Azərbaycan Respublikasına qarşı başladığı hərbi əməliyyatlar zamanı yaralı vəziyyətdə əsir düşmüş Ermənistan hərbçiləri - 13.11.2001-ci il təvəllüdlü Sarqsyan Areq Siraki, 23.05.2001-ci il təvəllüdlü Amircanyan Narek Qariki və 07.09.2001-ci il təvəllüdlü Mikayelyan Albert Yervandi müalicə aldıqları hospitalda baş çəkib.
Bu barədə Femida.az -a Əsir və itkin düşmüş, girov götürülmüş vətəndaşlarla əlaqədar Dövlət Komissiyasından bildirilib.
Qeyd olunub ki, başçəkmə zamanı Komissiya katibi yaralı Ermənistan hərbçilərinin vəziyyəti, onlarla davranış, müalicələri və saxlanma şəraitləri ilə maraqlanıb.
Ermənistan hərbçiləri Azərbaycanda onlara göstərilən münasibətdən və davranışdan razı qaldıqlarını, müalicələrinin normal aparıldığını bildirmiş, minnətdarlıq ifadə ediblər.
Beynəlxalq humanitar hüquq normalarının müvafiq müddəaları rəhbər tutularaq, başcəkmə zamanı yaralı Ermənistan hərbçilərindən ikisinin ailələri ilə telefon əlaqəsi saxlamaları təmin edilib. Ailə üzvlərinin telefon nömrələrini xatırlamadığını bildirən Albert Mikaelyana isə videomüraciətlə yaxınlarına onunla davranış və müalicəsi barədə məlumat verilməsi üçün şərait yaradılıb.
Ermənistan hərbçiləri başçəkməyə, xüsusilə də ailə üzvləri ilə yaradılmış telefon əlaqəsinə görə minnətdarlıqlarını bildiriblər.
Femida.az
Oxunub: 686
Oxşar xəbərlər
- Əsirlikdə ən qorxulu anlar yaşayan Afiq görün nələr danışdı - Əsirlik həyatı
- Əsir və girov götürülmüş hərbi qulluqçuların ailə üzvlərinə pul ödənilməsi qaydası müəyyənləşir
- Əsirlikdə olan azərbaycanlılara işgəncə verən erməni hərbçilərinin məhkəməsi keçirilir
- Əsirlərə qarşı işgəncələrlə bağlı 8 hesabat hazırlanıb
- Əsirlikdə olan hərbçimiz Vətənə gətirildi - 5 nəfər İrəvana qaytarıldı
- Əsirlikdən xilas edilən Bayram: “Məni dubinka ilə döyüb, toka verirdilər”
- Əsirlikdən qaytarılan Amin və Bayramın ailə üzvləri danışdı
- Əsirlikdə olan Bayram ailəsinə xəbər göndərdi - Həyəcandan məktub yaza bilmir
- Əsir götürülən azərbaycanlı hərbçilərdən YENİ XƏBƏR
- Əsir və itkin düşmüş, girov götürülmüş vətəndaşlarla əlaqədar Dövlət Komissiyasının yeni tərkibi təsdiqlənib - SİYAHI