Suqovuşanla bağlı tender elan edildi
13:14 19 Oktyabr 2020
Suqovuşandan Tərtər çayına buraxılan sudan səmərəli istifadə məqsədilə kanalların yenidən qurulması barədə tender elanı verilib.
Bu barədə Femida.az-a Nazirlər Kabinetindən bildirilib.
Qeyd olunub ki, Azərbaycan Respublikasının Prezidenti, Azərbaycan Silahlı Qüvvələrinin Ali Baş Komandanı cənab İlham Əliyevin rəhbərliyi altında Azərbaycan ordusunun torpaqlarımızın erməni qəsbkarlarının işğalından azad edilməsi uğrunda apardığı əks hücumlar nəticəsində bir çox ərazilərimizin, o cümlədən Tərtər rayonu Suqovuşan kəndinin işğaldan azad olunması və orada yerləşən su anbarından və hidroqovşaqdan əkin sahələrinə suyun verilməsi ölkəmizdə böyük sevinclə qarşılanıb.
Bunu nəzərə alaraq, “Su ehtiyatlarından səmərəli istifadənin təmin edilməsi ilə bağlı əlavə tədbirlər haqqında” Azərbaycan Respublikası Prezidentinin 27.07.2020-ci il tarixli 2178 nömrəli Sərəncamı ilə təsdiq edilmiş Tədbirlər Planına əsasən yenidən qurulması nəzərdə tutulan 22 hidroqovşaq, kollektor və suvarma kanallarının içərisindən prioritet layihə olaraq Tərtərçay hidroqovşaq suvarma sisteminə daxil olan Tərtərçay Sol Sahil və Xanarx kanallarının yenidən qurulması üçün texniki-iqtisadi əsaslandırmanın hazırlanması və layihələndirmənin həyata keçirilməsi ilə bağlı məsləhətçi layihə şirkətinin seçilməsi məqsədilə “Azmelsutəsərrüfat” ASC tərəfindən tender elanı verilib.
Bu kanalların yenidən qurulması ilə Tərtər, Goranboy, Yevlax və Bərdə rayonlarının 20 min hektara yaxın əkin sahələrinin su təminatı yaxşılaşdırılacaq.
Femida.az
Oxunub: 639
Oxşar xəbərlər
- Suqovuşan Turizm Kompleksinin tikintisinə 5 hektar ərazi ayrılıb
- Müdafiə Nazirliyinin Suqovuşanda “N” saylı hərbi hissəsinin açılışı olub
- İlham Əliyev Suqovuşandan Azərbaycan xalqını təbrik edib - TAM MƏTN
- Yaxın vaxtlarda Talış və Suqovuşana 500-ə yaxın ailə köçürüləcək
- Suqovuşandan Kəlbəcərə gedən mülki avtomobil karvanına atəş açılıb
- İlham Əliyev: "Suqovuşanın azad edilməsi böyük əhəmiyyət kəsb edirdi"
- "Suqovuşan-1” və “Suqovuşan-2” Kiçik Su Elektrik stansiyalarının açılışı olub
- İlham Əliyev Suqovuşana və Talış kəndinə gedən yolların açılışında
- Prezident Suqovuşanda Azərbaycan bayrağını ucaldıb
- Suqovuşana və Talışa gedən avtomobil yollarının açılışı olub