Paşinyanın məsuliyyətə cəlb edilməsi üçün faktlar toplanır

11:09     26 Oktyabr 2020

27 sentyabr tarixindən bu günə qədər Ermənistan silahlı qüvvələri Azərbaycan ərazisini, mülki obyektləri mütəmadi olaraq artilleriya atəşinə tutur. Məsəd davamlı şəkildə bilərəkdən mülki əhalinin öldürülməsidir. Bütün bunlar Ermənistan silahlı qüvvələri və Ermənistan rəhbərliyinin qərarı ilə edilir.

Bunu Azvision.az -a açıqlamasında Ailə, Qadın və Uşaq Problemləri üzrə Dövlət Komitəsinin İnformasiya və Analitik Araşdırmalar şöbəsinin müdiri Elgün Səfərov deyib. Onun sözlərinə görə, Azərbaycan ərazisinə, mülki əhaliyə atılan raketlər beynəlxalq hümanitar normalara qarşıdır.

“Düşmənin artilleriya atəşi nəticəsində bu günə qədər 10 uşaq öldürülüb. Onlardan 9-u Azərbaycan vətəndaşı, 1- uşaq isə Rusiya Federasiyasının vətəndaşıdır. Həmçinin 18 qadın öldürülüb. Ümumiyyətlə isə 65 nəfər mülki əhali qətlə yetirilib. Azəbaycanın ikinci ən böyük şəhəri Gəncənin, Eləcədə Mingəçevir və digər rayonların raket atəşinə məruz qalması Ermənistan silahlı qüvvələri və Ermənistan rəhbərliyinin insanlığa qarşı etdiyi hərbi cinayətlərdir. Bu günlərdə Ermənistan silhalı qüvvələri 15 yaşdan böyüklərin “könüllü” hərbiyə cəlb edilməsini elan edib. Amma yaydıqları videgörüntü və şəkillərdə uşaqların əlinə silah verildiyi görsənir.

Beləliklə, Ermənistanda Uşaq Hüquqları haqqında Konvensiyanı, onun fakültətiv protokolunu pozan qərarlar verilir. Ermənistan qoşulduğu konvension normalara özü riayyət etmir və birbaşa ona qarşı çıxır”.

Komitə rəsmisi qeyd edib ki, Gəncənin artilleriya atəşinə məruz qalması nəticəsində uşaqların, o cümlədən Rusiya vətəndaşı Artur Mayakovun öldürülməsi, eyni zamanda qondarma Dağlıq Qarabağda da uşaqların milliyətindən, dinindən asılı olmayaraq münaqişəyə cəlb edilməsi yolverilməzdir və bütün normalara qarşıdır.

“Bununla bağlı bütün dəlillər və faktları yığılır ki, həmin qərarı verən Ermənistan höküməti və sillahlı qüvvələrinin rəhbərliyi məsuliyyətə cəlb edilsin. Bunlar Paşinyan, Tonayan və digər şəxslərdir, hansı ki şəhərləri, mülki əhalini bombalamaqla və uşaqları hərbiyə cəlb etməklə məsuliyyət daşıyırlar”.

Femida.az

Açar sözlər: #Paşinyan   #AQUPDK  

Oxunub: 749