Rus icması Azərbaycan Ordusuna dəstək olaraq avtomobil yürüşü keçirib


17:59     31 Oktyabr 2020 20_10_31_1604152785.jpg

Bakıda Azərbaycan Ordusuna dəstək məqsədilə avtomobil yürüşü keçirilib.

Femida.az xəbər verir ki, tədbir Azərbaycanın Rus icması tərəfindən təşkil olunub.

Azərbaycan, Rusiya və Türkiyə bayraqları ilə bəzədilmiş təxminən 30 avtomobil Milli Məclisin binası qarşısından yürüşə başlayaraq Bakının mərkəzi küçələri ilə, eləcə də Rusiya və Türkiyə səfirliklərinin qarşısından keçməklə irəliləyib. Paytaxt sakinləri avtoyürüş iştirakçılarını coşğu ilə qarşılayıb.

Azərbaycanın Rus icmasının sədri, Milli Məclisin deputatı Mixail Zabelinin sözlərinə görə, yürüşün məqsədi Azərbaycan Ordusuna dəstək olmaqdır.

“Bu, ədalətli Vətən müharibəsində xalqımıza və Ordumuza, Prezidentimizə və Ali Baş Komandanımız İlham Əliyevə dəstəkdir”, - M.Zabelin deyib.



Femida.az

Açar sözlər:

Oxunub: 292