Qırğızıstan parlamentinə yeni spiker seçildi
13:47 04 Noyabr 2020
Qırğızıstanda deputat Talant Mamıtov Joqorku parlamentə sədr seçilib.
Femida.az “Sputnik Qırğızıstan”a istinadən xəbər verir ki, onun lehinə 100, əleyhinə isə bir millət vəkili səs verib.
Mamıtov dövlət başçısının səlahiyyətlərini icra edən Baş Nazir Sadır Japarovla tərəfdaşlığı ilə tanınır.
Qeyd edək ki, parlamentin sədri Kanat İsayev bu gün vəzifəsindən istefa verdiyini açıqlamışdı.
Xatırladaq ki, Qırğızıstanda 4 oktyabr seçkilərindən sonra parlamentə girə bilməyən partiyaların nümayəndələri Bişkekdə etirazlara başlayıb. Baş Nazir Kubatbek Boronov və parlament sədri Dastanbek Cumabekov istefa verib. Mərkəzi Seçki Komissiyası seçki nəticələrini etibarsız sayaraq dekabrın 20-nə təkrar parlament seçkilərinin keçirilməsinə qərar verib.
15 oktyabrda isə Prezident Sooronbay Jeenbekov istefa edib, bununla dövlət başçısının səlahiyyətləri Baş nazir Sadır Japarova keçib.
Oxunub: 561
Oxşar xəbərlər
- Qırğızıstan-Tacikistan sərhədində atışma baş verib
- Qırğızıstanla Tacikistan arasında atışma olub
- Qırğızıstan parlamentinə dörd müxalifət partiyası daxil olub
- Qırğızıstanda hakimiyyətin zorla ələ keçirilməsi cəhdinin qarşısı alınıb
- Qırğızıstanın keçmiş baş nazirinin ölkədən çıxışına qadağa qoyulub
- Qırğızıstan prezidenti yeni baş nazir təyin edib
- Qırğızıstan-Tacikistan sərhədində atışma olub
- Qırğızıstanın keçmiş prezidentləri axtarışa verildi
- Qırğızıstanın xarici işlər naziri Azərbaycana gəlib
- Qırğızıstan prezidenti Türkiyədə səfərdədir