Əlilliyi olan şəxslər üçün ictimai müzakirələr keçirilib
17:31 16 Noyabr 2020
Mingəçevir, Bərdə, Ağdam, Tərtər və Beyləqan rayonlarında yaşayan tipik və məhdudiyyətli gənclər arasında sosial inklüzivliyin təmin olunmasına və inkişaf etdirilməsinə, məhdudiyyətli gənclərin cəmiyyətdə iştirakçılığının artırılmasına, gənclərin bilik, bacarıqlarının inkişaf etdirilməsinə, daxili potensiallarının üzə çıxarılmasına və gücləndirilməsinə fokuslanmış "Bizimlə OL” layihəsinin ictimai-müzakirə hissəsi yekunlaşıb.
Femida.az-ın məlumatına görə, layihə Amerika Birləşmiş Ştatlarının Azərbaycandakı Səfirliyinin maliyyə dəstəyi ilə həyata keçirilib.
Sentyabr və oktyabr aylarında həyata keçirilmiş ictimai-müzakirələrin əsas məqsədi icma üzvlərinə sosial inklüzivlik və inklüziv mühit barədə geniş məlumat vermək və qarşılıqlı müzakirə etmək olub. Müzakirələrdə əlilliyi olan şəxslər, onların valideyinləri, əlilliyi olan şəxslərlə çalışan müəllimlər və digər icma üzvləri olmaqla ümumilikdə 80 nəfər iştirak edib.
Ümumilikdə 4 saat ərzində icma üzvlərinə əlilliyi olan şəxslərlə etik davranış qaydaları, əlilliyi olan şəxslərə qarşı cəmiyyətdəki ayrı-seçkilik və streotiplər, əlilliyə aid olan sosial və tibbi yanaşmalar, inklüziv mühit barədə informativ məlumatlar verilmiş və fikir mübadiləsi aparılıb. Eyni zamanda əlilliyi olan şəxslərin valideynləri öz təcrübələrini bölüşüb və iştirakçıların sualları ətraflı şəkildə cavablandırılıb.
İctimai müzakirələr iştirakçılar tərəfindən yüksək qiymətləndirilib və yenidən təşkil edilməsi barədə müraciət edilib.
Femida.az
Oxunub: 527
Oxşar xəbərlər
- Avropa Komissiyası Aİ-yə Rusiyaya qarşı yeni neft embarqosu layihəsi təklif edib
- Bayden Ukraynaya 40 milyard dollarlıq yardım ayrılması layihəsini imzalayıb
- FHN-in səlahiyyətlərinə dəyişikliklə bağlı qanun layihəsi hazırlanır
- “İstilik təchizatı haqqında” qanun layihəsi hazırlanacaq
- Hərbi qulluqçuların məcburi icbari narkoloji müayinədən keçirilməsinə dair layihə qəbul edilib
- Parlament güclü təsir edən maddələri satanların 10 il həbs olunmasına dair layihəni qəbul edib
- Jurnalist vəsiqəsinin formasının ilkin layihəsi artıq hazırlanıb
- "Dövlət satınalmaları haqqında" yeni qanun layihəsi hazırlanacaq
- Azərbaycanla BMT arasında Etimad Fondları Layihəsi Sazişi təsdiqlənib
- “Feniks” Sağlam Həyat Təbliği İctimai Birliyi tərəfindən həyata keçiriləcək layihənin hazırlıq işləri başa çatıb