“Şuşanın azad olunmasına görə” medalı haqqında əsasnamə təsdiq edilib


20:55     01 Dekabr 2020 20_12_01_1606841789.jpg

Prezident İlham Əliyev “Şuşanın azad olunmasına görə” Azərbaycan Respublikasının medalı haqqında əsasnaməni təsdiq edib.

Femida.az -IN məlumatına görə, “Şuşanın azad olunmasına görə” Azərbaycan Respublikasının medalı ilə Azərbaycan Respublikasının Şuşa şəhərinin işğaldan azad edilməsi uğrunda aparılmış döyüş əməliyyatlarında iştirak etmiş Azərbaycan Respublikası Silahlı Qüvvələrinin hərbi qulluqçuları təltif edilir.

“Şuşanın azad olunmasına görə” Azərbaycan Respublikasının medalı ilə bu Əsasnamənin 1-ci maddəsində göstərilən şəxslər Azərbaycan Respublikası Konstitusiyasının 109-cu maddəsinin 23-cü bəndinə uyğun olaraq təltif edilirlər.

“Şuşanın azad olunmasına görə” Azərbaycan Respublikasının medalı döşün sol tərəfinə, Azərbaycan Respublikasının digər orden və medalları olduqda, “Qubadlının azad olunmasına görə” medalından sonra taxılır.

Açar sözlər:

Oxunub: 268


Oxşar xəbərlər