AQTA monitorinqlərin sayını artırıb
18:32 04 Dekabr 2020
Dekabrın 4-də Azərbaycan Respublikasının Qida Təhlükəsizliyi Agentliyi (AQTA) tərəfindən əhalinin qida təhlükəsizliyi sahəsində maarifləndirməni, sağlam qidalanmanı təşviq edən və qurumun “Facebook” sosial şəbəkəsindəki rəsmi səhifəsi üzərindən yayımlanan “Təhlükəsiz Qida” onlayn verilişinin növbəti buraxılışı olub. Verilişdə COVID-19-un profilaktikası ilə bağlı zəruri olan tələblər, həmçinin AQTA-nın ictimai-iaşə müəssisələrində həyata keçirdiyi yoxlama nəzarət tədbirləri ilə bağlı məsələlərə aydınlıq gətirilib.
Agentliyin İnformasiya təminatı və innovativ həllər şöbəsindən Femida.az-a verilən məlumata görə, proqramda agentliyin Qida zəncirinə nəzarət və regional bölmələrlə iş şöbəsinin müdiri Əkbər Əliyev Bakıda, Abşeron, Sumqayıt və sərt karantinin tətbiq edildiyi Mingəçevir, Ağstafa, Şəki kimi regionlarımızda indiyə qədər 8000-ə yaxın ictimai-iaşə müəssisəsində 40 minə yaxın monitorinqin keçirildiyini, nəticədə 3200-dən artıq qayda pozuntusunun aşkarlandığını bildirib. Monitorinq zamanı müəssisələrdə əsasən, işçi heyətin maska və digər qoruyucu, eləcə də dezinfeksiyaedici vasitələrdən düzgün və ya ümumiyyətlə istifadə etmədiyi müəyyən edilib. Ə.Əliyev qeyd edib ki, həmin pozuntular inzibati məsuliyyət yaratdığı üçün sahibkarlıq subyektləri ilə bağlı qanunvericiliyə uyğun tədbirlər görülüb.
Qeyd edək ki, qurum ilə vətəndaşlar arasında yeni ünsiyyət platforması kimi qiymətləndirilən “Təhlükəsiz qida” onlayn verilişi hər həftənin cümə günü saat 15:00 agentliyin rəsmi “Facebook” hesabında yayımlanır.
Femida.az
Oxunub: 501
Oxşar xəbərlər
- AQTA enerji içkiləri ilə bağlı monitorinqlərin nəticələrini açıqlayıb
- AQTA qida sahəsində fəaliyyət göstərən sahibkarlara müraciət edib
- AQTA 9 dönərxanada nöqsanlar aşkarlayıb
- AQTA-nın keçmiş vəzifəli əməkdaşına hökm oxunub
- AQTA kütləvi zəhərlənmə məlumatı ilə bağlı açıqlama verib
- AQTA bir neçə restoranı cərimələyib
- AQTA bir neçə restoranı cərimələyib
- AQTA sədri fitosanitar qaydalara əməl etməyən sahibkarlara müraciət edib
- AQTA 393 ictimai iaşə obyektində 676 monitorinq keçirib
- AQTA daha 3 kafe və restoranı cərimələyib