Məişət zorakılığı ilə mübarizəyə dair Milli Fəaliyyət Planı vəkillik üçün nələr vəd edir?
17:26 07 Dekabr 2020
Məlum olduğu kimi 27 noyabr 2020-ci il tarixdə Azərbaycan Respublikasının Prezidenti tərəfindən “Azərbaycan Respublikasında məişət zorakılığı ilə mübarizəyə dair 2020-2023-cü illər üçün Milli Fəaliyyət Planı” təsdiq edilib.
Femida.az-ın məlumatına görə, Milli fəaliyyət planında 2020-2023-cü illərdə vəkillər üçün məişət zorakılığı ilə mübarizə, həmçinin məişət zorakılığından zərər çəkmiş şəxslərlə davranış və bu şəxslərin müdafiəsin üzrə təlimlərin keçirilməsi Vəkillər Kollegiyasına tövsiyə olunub.
Eyni zamanda gələcəkdə ölkəmiz tərəfindən “Qadınlar və məişət zorakılığının qarşısının alınması və mübarizə üzrə” Avropa Konvensiyasın qoşulmaq məsələsi də son illər gündəmdədir. Konvensiyanın özünəməxsusluğu onun 4 prinsipi ilə müəyyən olunur. Prinsiplər bunlardır: 1) qadınlara qarşı zorakılığın qarşısının alınması; 2) qurbanların müdafiəsi; 3) zorakılıq törətmiş şəxslərə qarşı cinayət təqibi; 4) zorakılıq qurbanlarına dəstək üçün əlaqələndirilmiş siyasətlər.
Qeyd olunmalıdır ki, bu prinsiplər eynilə Məişət zorakılığı ilə mübarizəyə dair Milli Fəaliyyət Planında da öz əksini tapmışdır.
Artıq 2-ci ildir ki, məişət zorakılığı üzrə mübarizə mövzusu vəkilliyə namizədlərin icbari tədris proqramına daxil edilmiş və bu sahədə Ədliyyə Akademiyası və beynəlxalq tərəfdaşlarla birgə ixtisaslaşmış vəkil və hüquqşünaslar tərəfindən vəkilliyə namizədlərə üçün təlimlər keçirilməkdədir.
Növbəti illərdə Vəkillər Kollegiyası tərəfindən vəkillər üçün İstanbul Konveniyasının baza prinsipləri əsas götürülməklə təlimlərin keçirilməsi nəzərdə tutulub. Bu zaman Avropa Şurasının HELP platformasından istifadə olunması prioritet istiqamətlərdəndir.
Femida.az
Oxunub: 2120
Oxşar xəbərlər
- 9-cu sinif şagirdini hansı cəza gözləyir? - Vəkil Sadiq Əfəndiyevdən açıqlama
- Vilyam Hacıyevin vəkili təkrar ekspertizanın keçirilməsini istəyir
- Tanınmış vəkil: "Polis şöbəsində zorakılığa məruz qaldım"
- Azərbaycanda qadın vəkillərin sayı açıqlanıb
- Millət Vəkili sensasion korrupsiya faktını AÇIQLADI- VİDEO
- Vəkil arvadını güllələyən polisin məhkəməsində tərkibin dəyişdirilməsini istəyib
- Vəkillər Kollegiyasının sədri vəkilliklə bağlı qanuna dəyişikliyin olunmasını təklif edir
- Azərbaycanda vəkil və müstəntiqlər üçün yeni müayinə məntəqəsi yaradılıb
- Şair Əli Vəkil vəfat edib
- Vəkillər "İdeal”ın həbsdə olan keçmiş rəhbərinə bəraət istəyiblər