İki formada yazılan kənd adlarının düzgün yazılış qaydası müəyyən edilib - SİYAHI
14:01 08 Dekabr 2020
Azərbaycanda iki formada yazılan kənd adlarının düzgün yazılış qaydası müəyyən edilir.
Milli Məclis yanında Toponimiya Komissiyasının sədri, Milli Məclisin deputatı, AMEA-nın vitse-prezidenti, akademik İsa Həbibbəyli Trend-ə bildirib ki, iki cür yazılış forması olan 20-dən çox kənd adı var. Bu kənd adları Azərbaycanın müxtəlif rayonlarına aiddir ki, onların da arasında Qarabağ bölgəsinə aid olanlar çoxluq təşkil edir:
“Bəzi kənd adları Azərbaycan dilində iki cür yazılır. Məsələn, Mahrızlı və ya Mahmızlı, Nüzgar və ya Nüzgər, Fərrux və ya Farrux kimi yazılır. İndi məqsəd iki cür yazılış forması olan belə toponimlərin doğru olanını müəyyən etməkdir. Toponimlərlə məğşğul olan dilçi alimlər bu kəndlərin düzgün yazılışını müəyyən etdilər və coğrafiyaşünas alimlər də buna öz münasibətini bildirdilər. AMEA-nın İctimai Elmlər bölməsindəki işçi qrupundakı mütəxəssislərlə birlikdə bunu müzakirə etdik və son variantı Milli Məclisin müvafiq şöbəsinə göndərdik. Bu məsələyə plenar iclasda deyil, işçi qaydasında baxılacaq. Çünki bu, kəndin adının dəyişməsi deyil, onun düzgün yazılışının müəyyən edilməsi prosedurudur”.
İ.Həbibbəyli qeyd edib ki, kəndlərin düzgün yazılış forması müəyyən edilərkən alimlər tarixi psinsipləri nəzərə alıblar:
“Elə adlar var ki, onlar müasir orfoqrafiya əsasında yazılmalı deyil. O kəndin tarixi adı necə təsbit olunubsa, o formada yazılmalıdır. Adlar müəyyən edilərkən bu elementlər nəzərə alınıb”.
Qeyd edək ki, Trend kənd adlarının düzgün yazılış formasının təsbit edildiyi siyahını da əldə edib. Həmin siyahını təqdim edirik:
Ağdam rayonu- Mahrızlı
Cəbrayıl rayonu – Nüzgər, Qovşudlu, Dəcəl
Füzuli rayonu- Govşatlı
Xocalı rayonu- Farux, Ulubab
Xocavənd rayonu- Tuğ, Şexer
Kəlbəcər- Elyasalılar, Çərəktar, Dalqılıçlı, Çobangərəhməz, Narınclar, Çormanlı
Qubadlı rayonu- Qaracallı, Ləpəheyranlı, Alaqurşaq, Qədirli
Laçın rayonu- Əliqulu, Ayıbazar, Vaqazin, Zağaaltı
Zəngilan rayonu- İçəri Müşlan, Qıraq Müşlan
Femida.az
Oxunub: 405
Oxşar xəbərlər
- İki məhkəmə sədri Məhkəmə Hüquq Şurasına üzv seçilib
- İki ölkədən Azərbaycana quş ətinin gətirilməsinə məhdudiyyət qoyulub
- İki rayon və bir şəhərə yeni prokuror təyin edildi
- İki aydır komada olan hərbçi vəfat etdi
- İki gündə toylara görə 16 nəfər cərimələnib
- İki nazirlik Yardımlıdakı yanğınla bağlı məlumat yaydı
- İki ölkədən Azərbaycana quş ətinin gətirilməsinə məhdudiyyət qoyuldu
- İki media işçisi Kəlbəcərdə minaya düşərək həlak oldu
- İki nəfər evdə halsız vəziyyətdə tapıldı
- İkinci Dünya müharibəsinin iştirakçılarına birdəfəlik maddi yardım veriləcək - SƏRƏNCAM