Ermənistanda Paşinyanın istefası tələbi ilə mitinqlər keçirilib, saxlanılanlar var
19:57 08 Dekabr 2020
Ermənistanda Baş nazir Nikol Paşinyanın istefası tələbi ilə mitinqlər keçirilib.
Femida.az
-ın "Sputnik Armenia"ya istinadən verdiyi xəbərə görə, etirazçılar hökuməti Ermənistanın milli maraqlarına xəyanətdə günahlandırıblar.
Dekabrın 5-də müxalifət Baş nazir Nikol Paşinyan və onun komandasına ultimatum verərək 8 dekabr saat 12:00-dək istefa verməsini tələb etmiş, əks halda vətəndaş itaətsizliyinin başlaması ilə bağlı xəbərdarlıq etmişdi. Lakin Paşinyan bu tələbi reallaşdırmadığı üçün bu gün paytaxt İrəvan və ölkənin müxtəlif regionlarında etiraz aksiyaları başlayıb.
Paşinyanın istefasını tələb edən aksiyalardan biri Milli Təhlükəsizlik Xidmətinin binası önündə keçirilib. Polis qüvvələri etirazçılara xəbərdarlıq etdikdən sonra aksiyaçılar şəhərin müxtəlif istiqamətlərində öz aksiyalarına davam ediblər. Ölkənin Baş Prokurorluğunun binası önündə də etiraz aksiyası keçirilib.
Etirazçılar şəhər metrosunun işinə müdaxilə etdiyi üçün müəyyən müddətlik paytaxtda metronun fəaliyyəti də dayandırılıb.
Yerevanın müxtəlif hisslərində keçirilən etiraz aksiyalarına ictimai və siyasi fiqurlar mədəniyyət və incəsənət nümayəndələri, tanınmış fəallar, vəkillər qatılıb.
Ölkənin Vəkillər Kollegiyasının sədri bildirib ki, 500-dən çox vəkil və hüquqşünas Baş nazir Nikol Paşinyanın istefasını tələb edir.
Etiraz aksiyaları paytaxt Yerevanla yanaşı Geğarkunik, Ararat, Şirak, Lori regionlarında da keçirilib. Yolları kəsən aksiyaçılar "xəyanətkar Nikol", "Nikol, get" kimi şüarlar səsləndiriblər.
Baş nazir Nikol Paşinyanın tərəfdarları da Yerevanda hökumət binasının yaxınlığında piket keçirərək hökumətə dəstəklərini ifadə ediblər.
Polis hökumət əleyhinə keçirilən aksiyalarda 81 nəfərin saxlanıldığını bildirib.
Oxunub: 485
Oxşar xəbərlər
- Ermənistanda qətl, oğurluq, quldurluq, qarət artıb
- Çavuşoğlu: “Hələlik Ermənistandan konkret addım görməmişik”
- Ermənistanda daha bir xarici ölkə vətəndaşının meyiti aşkarlanıb
- Ermənistanda hərbçilər qəzaya düşüb, 1-i ölüb, 4-ü yaralanıb
- Ermənistanda polis qanunsuzluqdan şikayət edən çinli qadına təcavüz edib
- Ermənistanda Rusiya üstündə atışma olub, 2 hərbçi ölüb, 5 nəfər yaralanıb
- Putin Ermənistanda vəziyyətin qeyri-sabit olduğunu vurğulayıb
- Ermənistanda etirazlara görə 10 nəfər həbs edildi
- Ermənistanda 2 500 nəfərə yaxın müxalifətçi polis bölmələrində saxlanılır
- Ermənistanda etiraz aksiyalarında zorakılıq halları artıb