ÜST Oqtay Şirəliyevə təşəkkür edib
14:05 11 Dekabr 2020
Ümumdünya Səhiyyə Təşkilatı (ÜST) Azərbaycandakı Milli qızılca/məxmərək laboratoriyasına göstərdiyi xüsusi qayğı və diqqətə görə ölkənin Səhiyyə naziri Oqtay Şirəliyevə təşəkkür edib.
Femida.az xəbər verir ki, bu barədə Ümumdünya Səhiyyə Təşkilatının Avropa regionu üzrə direktoru Hans Kluqe tərəfindən göndərilən məktubda bildirilib.
Məktubda qeyd olunub ki, ÜST-ün Avropa Regional Bürosunun ekspertləri tərəfindən illik akkreditasiya prosesi çərçivəsində 2020-ci ilin ikinci rübündə ölkəmizdəki Milli qızılca/məxmərək laboratoriyasında yoxlama həyata keçirilib. Nəticələrə əsasən, laboratoriya 2021-ci il üçün ÜST-ün Milli qızılca/məxmərək laboratoriyası kimi tam akkreditasiyadan keçib.
Məktubda laboratoriya işçilərinin akkreditasiyanı uğurla başa vurması ilə yanaşı, müvafiq tövsiyələr də nəzərə çatdırılaraq bildirilib ki, COVID-19 pandemiyası və bununla bağlı epidemioloji vəziyyət ÜST-ün Avropa bölgəsindəki səhiyyə sisteminə mənfi təsir göstərib. Vurğulanıb ki, COVID-19-la bağlı ehtiyacları və çətinlikləri aradan qaldırarkən, qızılca və məxmərəyin qarşısını almaq üçün lazım olan laboratoriya və epidemioloji araşdırmaların izlənilməsi də tam təmin olunmalı, eyni zamanda ictimai səhiyyə sahəsində qlobal fövqəladə vəziyyətdə qızılca və məxmərək infeksiyalarına da diqqət ayrılmalıdır.
Femida.az
Oxunub: 491
Oxşar xəbərlər
- ÜST yeni koronavirus dalğasını elan edib
- ÜST meymunçiçəyi xəstəliyinin yayılma riskini qiymətləndirib
- ÜST mənşəyi məlum olmayan hepatit virusu ilə bağlı araşdırmaya başlayıb
- ÜST: COVID-19 sonuncu pandemiya olmayacaq
- ÜST koronavirusun daha təhlükəli ştamının yaranacağı barədə xəbərdarlıq edib
- ÜST növbəti pandemiyaya hazırlaşır?- Yeni infeksiya harda yaranacaq
- ÜST “stels-omikron” üzərində tədqiqata diqqət ayırmaqla bağlı çağırış edib
- ÜST yeni koronavirusu ilə bağlı məlumatı şərh edib
- ÜST: "Omikron” səhiyyə sistemini alt-üst edib"
- ÜST koronavirusa yoluxan uşaqların müalicəsi ilə bağlı yeni tövsiyələr verib