Müharibədə yaralanmış Elçin Sultanov özünüməşğulluq proqramına cəlb edilib
19:16 11 Dekabr 2020
“Qələbəmizin qəhrəmanlarından olan, müharibədə yaralanmış Elçin Sultanovu ziyarət etməyə gedərkən Nazirliyin əməkdaşları onun arzusunun nə olduğunu artıq bilirdilər”.
Femida.az -ın məlumatına görə, bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələrə kommunikasiya şöbəsinin müdiri Fazil Talıbov bildirib.
Onun sözlərinə görə, atası söhbət zamanı deyib ki, uşaqlıqdan Elçinin arzusu – öz foto xidmətini yaratmaq olub: “Cəbhəyə getməzdən əvvəl də fotoqraf işləyib. Lakin özünün foto xidmətini qurmaq üçün avadanlıqlar almağa imkanı olmayıb. Əməkdaşlarımız Elçinlə görüşdülər, ailəsinin sosial vəziyyəti ilə tanış oldular və istəyinə uyğun olaraq o, foto xidmətini yaratmaq üçün qısa bir müddətdə, növbədənkənar özünüməşğulluq proqramına cəlb edildi. Elçinə lazımı avadanlıqlar (fotoaparat, rəngli fotoprinter, kompüter, ştativ, fotolampa və s. aksesuarları) evində təqdim edildi. Beləliklə, qazimiz uşaqlıq arzusunu indi gerçəkləşdirə biləcək”.
F.Talibov qeyd edib ki, Elçinin valideynləri və qardaşı da işləyir: “Nazirlik tərəfindən yaxın günlərdə Elçinin əlilliyinin qiymətləndirilməsi də aparılacaq. Əlillik dərəcəsi təyin edildikdə, o, hər ay təqaüd və müavinət alacaq. Qazi qardaşımıza Allahdan şəfa diləyir və tezliklə ayağa qalxaraq sevdiyi işinə davam etməyi arzulayırıq!”
Oxunub: 552
Oxşar xəbərlər
- Müharibədə Ermənistan yunan hakerlərdən dəstək alıb
- Müharibədən sonra azad edilən ərazilərdə 1560 erməni hərbçinin meyiti tapılıb
- Müharibədə ermənilər 4000-dən çox itki verib - Paşinyan açıqladı
- Müharibədən qayıdan şəxslərin 5298 müraciətinə baxılıb
- Müharibədə yaralanmış hərbçilərin tibbi-sosial ekspertizasına başlanır
- Müharibədən qayıdan şəxslərin 1 700-dən çox müraciətinə baxılıb
- Müharibədən sağ qayıtdı - Dəm qazından boğularaq öldü
- Müharibədən sonra 12 nəfər minaya düşərək ölüb - RƏSMİ
- Müharibədəki əməliyyatlar “Dəmir yumruq” adı altında keçirilib
- Müharibədən əziyyət çəkən məcburi köçkün ailələrinə yardım ediləcək