250 aztəminatlı ailə üçün intensiv meyvə bağları salınır
18:14 19 Dekabr 2020
Əmək və Əhalinin Sosial Müdafiəsi Nazirliyi və Heydər Əliyev Fondunun “Regional İnkişaf” İctimai Birliyinin birgə həyata keçirdiyi “Sosial bağlar” layihəsi üzrə 11 rayonda daha 250 aztəminatlı ailə üçün intensiv meyvə bağları salınır.
ƏƏSMN-dən Femida.az-a verilən xəbərə görə, hazırda bağ təsərrüfatlarının salınması üçün seçilən sahələr köhnə bar verməyən ağaclardan, kötüklərdən, daşlardan təmizlənir. Həmçinin sahələr şumlanaraq əkin üçün hazırlanır, çəpərlənir, sahələrə su xətləri çəkilir, suvarma sistemləri qurulur, tinglər əkilir.
Layihə çərçivəsində müxtəlif relyefə, coğrafi əraziyə və struktura malik ümumilikdə 110 hektar torpaq sahəsinə 80 mindən çox müxtəlif məhsuldar meyvə tinglərinin əkilməsi nəzərdə tutulur. Sahələrdə müasir damla suvarma sistemlərinin qurulması da təmin olunacaq.
Layihə iştirakçılarına aqrotexniki qulluq, məsləhət xidmətlərinin göstərilməsi, logistika və hazır məhsulun satışının təşkili mərhələlərində də dəstək göstəriləcək.
Qeyd edək ki, layihə çərçivəsində son iki ildə 375 aztəminatlı ailə üçün bağçılıq təsərrüfatları yaradılıb.
Femida.az
Oxunub: 778
Oxşar xəbərlər
- 2500 qazi və şəhid ailəsi üzvü məşğulluğa cəlb edilib
- 2500 maşının postlardan keçmək cəhdinin qarşısı alınıb
- 2500-dək yalnış əlillik təyinatı ləğv olunub
- 2500 nəfərin əlilliyi saxta olduğu üçün ləğv edilib
- 250 azərbaycanlının təhsil aldığı universitet bağlanıb
- 250 daş karxanasının fəaliyyəti dayandırıldı
- 250 daş karxanasının fəaliyyəti dayandırıldı
- 2500-ə yaxın azərbaycanlı Türkiyədə iş icazəsi aldı