Qarabağın azərbaycanlı icmasından Prezidentə təbrik
10:48 24 Dekabr 2020
Azərbaycan Respublikasının Dağlıq Qarabağ bölgəsinin azərbaycanlı icmasının idarə heyəti Prezident İlham Əliyevə təbrik məktubu ünvanlayıb.
Femida.az xəbər verir ki, məktubda deyilir: “Möhtərəm Cənab Prezident,
Sizi doğum günü münasibətilə bütün kollektivimiz adından səmimi qəlbdən təbrik edirik!
Ölkəmizə rəhbərlik etdiyiniz illər ərzində Azərbaycan xalqı tərəfindən Sizə göstərilən etimadı ən yüksək şəkildə daim doğruldaraq, vətənimizin inkişafı üçün misilsiz xidmətlər göstərmisiniz. Sizin müdrik siyasətiniz və əsl sərkərdəlik bacarığınız, o cümlədən həqiqətlərimizin dünyaya çatdırılması istiqamətində göstərdiyiniz diplomatik məharət Vətən Müharibəsində parlaq qələbə qazanmağımızla nəticələndi.
Bununla xalqımızın 30 illik vətən həsrətinə son qoydunuz! Azərbaycan Ordusunun Müzəffər Ali Baş Komandanı kimi tariximizin ən şanlı qələbəsini xalqımıza yaşatdığınız üçün Sizə sonsuz təşəkkürümüzü bildiririk! Məhz Sizin Azərbaycan xalqı qarşısında misilsiz xidmətinizin nəticəsidir ki, bütün dünya azərbaycanlıları qalib xalqın nümayəndələri olmağın qürurunu yaşayırlar.
Əminik ki, Sizin rəhbərliyiniz altında Azərbaycan Respublikası daha da inkişaf edəcək, xalqımızın rifahı, xoşbəxt gələcəyi və firavanlığı təmin ediləcək.
Sizə şərəfli işinizdə uğurlar və möhkəm can sağlığı arzulayırıq! Biz Sizin kimi rəhbərimizin olması ilə fəxr edirik!”
Femida.az
Oxunub: 599
Oxşar xəbərlər
- Qarabağın ilk hava limanında işləmək üçün vakansiya
- Qarabağın yenidən qurulmasına 372 milyon manat xərclənib
- Qarabağın turizm potensialı Dubayda nümayiş olunur
- Qarabağın Azərbaycanlı İcması adını dəyişdi
- Qarabağın çaylarında 13 avtomat hidroloji stansiya quraşdırılacaq
- Qarabağın turizm potensialı ilə bağlı konsepsiyalar hazırlanır
- Qarabağın tarixi ilə bağlı sənədli filmlər hazırlanacaq
- Qarabağın azərbaycanlı icmasından beynəlxalq təşkilatlara MÜRACİƏT
- Qarabağın azərbaycanlı icmasının sədri diplomatlarla görüşüb
- Qarabağın yeni təyin olunan hərbi prokuroru KİMDİR? - DOSYE