Koronavirusla Mübarizəyə Dəstək Fondunun fəaliyyət müddəti uzadıldı
11:20 25 Dekabr 2020
Koronavirusla Mübarizəyə Dəstək Fondunun fəaliyyət müddəti uzadılıb.
Femida.az-ın məlumatına görə, bu, Prezident İlham Əliyevin bu gün imzaladığı “Koronavirusla Mübarizəyə Dəstək Fondunun vəsaitinin formalaşdırılması, idarə olunması və ondan istifadə Qaydası”nda dəyişiklik edilməsi haqqında” fərmanında əksini tapıb.
Fərmana əsasən, Fondun fəaliyyət müddəti 2021-ci il dekabrın 31-dək olan dövrü əhatə edir. Bu müddət Azərbaycan Respublikası Prezidenti tərəfindən uzadıla bilər.
Əvvəl bu müddət 2020-ci il dekabrın 30-dək olan dövrü əhatə edirdi.
Eyni zamanda fondun vəsaitinin toplanması və ondan təyinatı üzrə istifadə məqsədilə Azərbaycan Respublikasının Nazirlər Kabineti tərəfindən Azərbaycan Respublikasının Mərkəzi Bankında və kredit təşkilatlarında Azərbaycan manatı ilə və xarici valyutalarda bank hesabları açılacaq. Əvvəl yalnız fondun vəsaitinin toplanması və ondan təyinatı üzrə istifadə məqsədilə Azərbaycan Respublikası Maliyyə Nazirliyi yanında Dövlət Xəzinədarlıq Agentliyində xüsusi xəzinə hesabı açılırdı.
Fondun fəaliyyəti başa çatdıqdan sonra xüsusi xəzinə hesabında və bank hesablarında qalan xərclənməmiş vəsait tibb sahəsində çalışan işçilərin mükafatlandırılmasına və onlara maddi yardım göstərilməsi işlərinin maliyyələşdirilməsinə yönəldiləcək və ya dövlət büdcəsinə qaytarılacaq.
Femida.az
Oxunub: 431
Oxşar xəbərlər
- Bill Qeyts xeyriyyə fonduna 20 milyard dollar bağışlayıb
- İşsizlikdən sığorta fondunun büdcəsinə dəyişikliklər təsdiqlənib
- Gənclər Fondu Müşahidə Şurasının tərkibi dəyişdirilib - SİYAHI
- Azərbaycanla BMT arasında Etimad Fondları Layihəsi Sazişi təsdiqlənib
- Baydenlə Zelenski telefonda mühabisə edib - CNN telekanalı təfərrüatları AÇIQLADI
- Büdcədənkənar vəsaitin bir hissəsi şəhid ailələrinə dəstək üçün yaradılmış fondlara yönəldiləcək
- Prezident Dövlət Neft Fondunun gələnilki büdcəsini təsdiq edib
- İlham Əliyev ABŞ Etnik Anlaşma Fondunun prezidentini qəbul edib
- Milli Məclis İşsizlikdən Sığorta Fondunun 2022-ci il büdcəsini ikinci oxunuşda təsdiqləyib
- Milli Məclis İşsizlikdən Sığorta Fondunun 2022-ci il büdcəsini ikinci oxunuşda təsdiqləyib