Şəmkirdə 17 yaşlı oğlan öz həmyaşıdını qətlə yetirdi
10:45 06 Yanvar 2021
Yanvarın 5-i saat 15 radələrində Şəmkir şəhər sakini, 2003-cü il təvəllüdlü Tağıyev Əhliman Kənan oğlunun öldürülməsi barədə rayon prokurorluğuna məlumat daxil olub.
Bu barədə Femida.az-a Şəmkir Rayon Prokurorluğundan məlumat verilib.
Bildirilib ki, aparılan araşdırmalarla zərərçəkmişin tanışı, 2003-cü il təvəllüdlü Hüseynov Rəvan Eynur oğlunun şəxsi münasibətlər zəminində aralarında yaranan mübahisə zamanı istintaqa məlum olmayan alətlə Əhliman Tağıyevə xəsarətlər yetirərək sonuncunu qəsdən öldürməsinə əsaslı şübhələr müəyyən edilib.
Faktla bağlı Şəmkir rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib, hadisə yerinə və meyitə baxış keçirilib, digər zəruri prosessual hərəkətlər yerinə yetirilib.
Rəvan Hüseynov şübhəli şəxs qismində tutularaq istintaqa cəlb olunub.
Hazırda iş üzrə zəruri istintaq tədbirləri davam etdirilir.
Femida.az
Oxunub: 191
Oxşar xəbərlər
- Şəmkirdə koronavirus xəstəsi saxlanıldı
- Şəmkirdə iki minik avtomobili toqquşub, xəsarət alanlar var
- Şəmkirdə avtomobil sexində yanğın olub, xəsarət alan var
- Şəmkirdə evdə partlayış olub, xəsarət alan var
- Şəmkirdə yaşayış yerini tərk edən koronavirus xəstələri məsuliyyətə cəlb edilib
- Şəmkirdə qadına qarşı soyğunçuluq edildi
- Şəmkirdə qonşusunu bıçaqlayan şəxsin kimliyi bilinib
- Şəmkirdə həmkəndlisini güllələyən şəxsin cinayət işi məhkəməyə göndərilib
- Şəmkirdə bacanağını öldürən şəxsin istintaqı başa çatıb
- Şəmkirdə yol qəzası baş verib
