Daha bir qazi yüksək texnologiyalı protezlə təmin edilir


11:27     12 Yanvar 2021 21_01_12_1610436476.jpg


Əmək və Əhalinin Sosial Müdafiəsi Nazirliyi Vətən müharibəsində ağır yaralanaraq sol ayağını itirmiş Abbas Mədəd oğlu Yusifovun da yüksək texnologiyalı protezlə təmin edilməsi üçün işlərə başlayıb.

Nazirlikdən Femida.az-a verilən məlumata görə, qurumun tabeliyindəki Dövlət Tibbi-Sosial Ekspertiza və Reabilitasiya Agentliyinin Protez-Ortopedik İstehsalat və Reabilitasiya Mərkəzində qazimizin ilkin müayinəsi aparılıb.

Ona protezləşməyə hazırlanması üçün lazımi təlimatlar verilib. 7-10 gün ərzində protezləşməyə tam hazır olandan sonra Abbasdan ölçülər götürülərək yüksək texnologiyalı protezlə təmin ediləcək.

Qeyd edək ki, Prezident İlham Əliyevin Sərəncamı ilə Yusifov Abbas Mədəd oğlu 3-cü dərəcəli “Vətənə xidmətə görə” ordeni ilə təltif olunub.

Femida.az

Açar sözlər: #qazi  

Oxunub: 249