Peşə təhsili alanlar ixtisas dərslikləri ilə təmin ediləcək
18:57 12 Yanvar 2021
Peşə təhsili pilləsi üzrə tədrisin keyfiyyətinin artırılması məqsədilə 2020/2021-ci tədris ilində ilk dəfə olaraq ixtisaslar üzrə dərsliklərin çap edilməsinə başlanılıb.
Peşə Təhsili üzrə Dövlət Agentliyindən Femida.az-a verilən məlumata görə, ilkin mərhələdə 96 adda dərsliyin nəşri planlaşdırılır. Ümumilikdə, peşə təhsili müəssisələri üçün 2020/2021-ci tədris ili üzrə 184 067 ədəd dərs vəsaitinin çapı nəzərdə tutulur. Sözügedən dərslik çapı dövlət büdcəsi tərəfindən maliyyələşdirilməkdədir.
Nəşr edilən və peşə təhsili müəssisələrinə paylanılması nəzərdə tutulan ixtisas modulları üzrə dərsliklər əsasən, turizm, kənd təsərrüfatı, sənaye və avtomobil istismarı sahələrini əhatə edir.
Qeyd edək ki, ixtisas dərslikləri ilə yanaşı, bütün ixtisas qrupları üzrə tədrisi nəzərdə tutulan baza modullarına dair bilikləri özündə əks etdirən dərsliklərin çapı da yekunlaşdırılıb.
Çap edilən dərsliklər turizm istiqaməti üzrə “Turizm təşkilatçısı”, “Turizm sahəsində iaşə üzrə mütəxəssis”, “Mehmanxana inzibatçısı” ixtisaslarının, kənd təsərrüfatı istiqaməti üzrə “Aqroservis mütəxəssisi”, “Bitkiçilik mütəxəssisi”, Heyvandarlıq mütəxəssisi”, iaşə və xidmət istiqaməti üzrə isə “Geyim üzrə dizayner”, “Dərzi” və bu kimi digər ixtisasları əhatə edir.
Ötən ildən etibarən isə ümumtəhsil bazasından qəbul olan və orta təhsil fənlərinin tədrisi aparılan peşə təhsili müəssisələrinə ümumtəhsil fənləri üzrə dərsliklərin çap edilməsi dövlət büdcəsi hesabına maliyyələşdirilib. Belə ki, ümumtəhsil fənləri üzrə 26 adda dərslik olmaqla, ümumilikdə 99 622 ədəd dərsliyin peşə təhsili müəssisələrinə təqdim edilməsi tamamlanmaq üzrədir.
Növbəti tədris ilində peşə təhsili üzrə dərslik təchizatının daha da genişləndirilməsi nəzərdə tutulur. Çapı və paylanılması nəzərdə tutulan ixtisas dərsliklərinin sayının artırılması ilə yanaşı, yeni ixtisas dərsliklərinin də çapı prioritetlər sırasındadır.
Femida.az
Oxunub: 720
Oxşar xəbərlər
- Peşə hazırlığına cəlb olunan şəxslərə təqaüd veriləcək
- Peşə təhsili pilləsi üzrə təqaüdlərin təyin olunması və ödənilməsi qaydası dəyişib
- Peşə məktəblərinin tələbələrinin təqaüdləri artırılıb
- Peşə təhsili pilləsinə elektron tələbə qəbulunun nəticələri açıqlanıb
- Peşə liseyi direktorunun cinayət işi məhkəməyə göndərilib
- Peşə təhsili müəssisələrinin vəzifəli şəxsləri məsuliyyətə cəlb olundu
- Peşə məktəblərində oxuyanların 88 faizi əyani təhsil ala biləcək
- Peşə dərslərinin sabaha olan CƏDVƏLİ
- Peşə təhsilinə göstərilən qayğı insan kapitalına qoyulan investisiyadır
- Peşə təhsili müəssisələrində işləyənlər attestasiyadan keçiriləcək