Binəqədidə qanunsuz fəaliyyət göstərən qənnadı məmulatları istehsalı müəssisəsi aşkarlanıb
10:43 14 Yanvar 2021
Azərbaycan Respublikasının Qida Təhlükəsizliyi Agentliyinə (AQTA) paytaxtın Binəqədi rayonu, Biləcəri ŞTQ, Binəqədi şosesi, Yeni yaşayış massivi, Şimal küçəsi, döngə 4 ünvanında fəaliyyət göstərən unlu-qənnadı məmulatların istehsalı müəssisəsində antisanitar şəraitdə məhsulların istehsalı və satışı barədə məlumat daxil olub.
AQTA-dan Femida.az-a verilən məlumata görə, daxil olan məlumat əsasında unlu-qənnadı məmulatların istehsalı müəssisəsinə baxış keçirilib.
Baxış zamanı müəyyən edilib ki, fiziki şəxs Çin Respublikası vətəndaşı Xuefeng Ye-ə məxsus müəssisədə kustar üsulla “Bakı bulka” və “Səma” əmtəə nişanlı bulka və şirin çörək məhsullarının istehsalı və satışı həyata keçirilir. İlkin baxış keçirilən zaman müəssisədə sanitar-gigiyena və texniki-normativ sənədlərin tələblərinə əməl edilmədiyi, məhsulun istehsalı prosesində texnoloji prinsipə əməl olunmadığı məlum olub.
Yoxlama zamanı müəssisədə üzərində vergi ödəyicisinin eyniləşdirmə nömrəsinin düzgün qeyd edilmədiyi və qanunvericiliyin tələblərinin pozularaq məhsulların istehsal tarixinin 3-5 gün sonraya, saxlama müddətinin isə 72 saat olmasına baxmayaraq standartların və normativ texniki sənədlərin tələbləri pozularaq 30 gün qeyd olunur. Qanunsuz fəaliyyət göstərən müəssisədə 1850 ədəd qablaşdırmada “Bakı bulka” və 312 ədəd qablaşdırmada “Səma” əmtəə nişanlı bulka və şirin çörək məhsulları aşkarlanıb və dövriyyədən çıxarılaraq satışı qadağan edilib.
Məhsullardan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyalarına göndərilib. Araşdırmalar davam etdirilir.
Oxunub: 477
Oxşar xəbərlər
- Binəqədidə ağacı zədələyən şəxs cəzalandırılıb
- Binəqədidə yol qəzası olub, xəsarət alan var
- Binəqədidə avtomobil 10 yaşlı uşağı vuraraq xəsarət yetirib
- Binəqədidə 36 yaşlı kişini avtomobil vurub
- Binəqədidə gənc oğlanı avtomobil vurub
- Binəqədidə 4 nəfər dəm qazından zəhərlənib
- Binəqədidə 25 yaşlı gənc yol qəzasında ağır xəsarət alıb
- Binəqədidə avtomobil gənc qızı vuraraq ağır xəsarət yetirib
- Binəqədidə yolu keçən 8 yaşlı uşağı avtomobil vurub
- Binəqədidə avtomobil 46 yaşlı qadını vurub