Hirkan Milli Parkında baş verən yanğın qismən söndürülüb
19:12 16 Yanvar 2021
Astara rayonu ərazisində Hirkan Milli Parkında baş vermiş yanğının bir istiqamətdə söndürülməsi Fövqəladə Hallar Nazirliyi tərəfindən təmin edilib.
Fövqəladə Hallar Nazirliyindən Femida.az-a verilən məlumata görə, yanğının davam etdiyi digər istiqamətdə isə təxirəsalınmaz tədbirlər davam etdirilir. Yanğının söndürülməsinə relyef şəraitinin mürəkkəbliyi, habelə havanın küləkli olması mane olur. Bununla belə, yanğının daha geniş əraziyə yayılması və Milli Parka daha böyük ziyan vurmasının qarşısının alınması məqsədilə zəruri tədbirlər davam etdirilir.
Qeyd edək ki, yanğınla mübarizəyə FHN Aviasiya dəstəsinin "BE-200ÇS" tipli amfibiya təyyarəsi, Cənub Regional Mərkəzi, Dövlət Yanğından Mühafizə Xidməti, Mülki müdafiə qoşunları və Xüsusi Riskli Xilasetmə Xidmətinin müvafiq qüvvələri, eləcə də Ekologiya və Təbii Sərvətlər Nazirliyinin yerli qurumlarının əməkdaşları cəlb olunub.
Oxunub: 486
Oxşar xəbərlər
- Hirkan Milli Parkında yanğın davam edir
- Hirkan Milli Parkında yanğın - Təyyarə cəlb edildi
- Hirkanda yanğın olub
- Hirkan Milli Parkının ərazisində yanğın tam söndürülüb
- Hirkandakı yanğın 5 hektar ərazini əhatə edir
- Hirkan Milli Parkında yanğın başlayıb (FOTO)
- Hirkan Milli Parkındakı yanğın söndürülüb
- Hirkan meşələrində nadir akasiyalar çiçək açıb