Azərbaycanda yeni mis-qızıl yatağı kəşf edilib
13:44 19 Yanvar 2021
Azərbaycanda fəaliyyət göstərən aparıcı qızıl-mədən şirkətlərindən biri olan "Anglo Asian Mining Plc" "Gədəbəy" müqavilə zonasının mərkəzi sahəsində "Zəfər" adlı yeni mis-qızıl yatağını kəşf edib.
Femida.az -ın şirkətə istinadən verdiyi məlumata görə, bu yataq regional kəşfiyyat sahəsinin xəritələşdirməsi nəticəsində kəşf edilib.
"Anglo Asian Mining"in baş icraçı direktoru Rza Vəziri bildirib ki, şirkət yeni kəşf üçün JORC təxminlərini hazırlamaq və faydalı qazıntıların kommersiya baxımından istismarının ən yaxşı yolunu müəyyənləşdirmək üçün lazımi işləri həyata keçirir: "Yeniliklər barədə səhmdarlara xəbər verməyi səbirsizliklə gözləyirəm".
Şirkətin direktoru Stefan Vesthed isə qeyd edib ki, "Zəfər" yatağı porfir də daxil olmaqla müxtəlif dərinliklərdə üç anomaliyanı təyin edən ZTEM hava-geofizika proqramı nəticəsində ortaya çıxan yüksək prioritetli bir hədəfdir: "İlkin qazma işləri geoloji xəritələşdirmə, geofizika məlumatları və struktur geologiya ilə müəyyənləşdirilən ərazilərə yönəldilib və ümumi uzunluğu 7 675 metr olan 12 qazma çuxuru tamamlanıb. Ümumilikdə, 25 kilometrə yaxın 10 profil xətti də yerüstü induksiyalı qütbləşmə üsulu ilə tamamlanıb. Üç minerallaşma zonası təyin edilib. Quyunun ən əhəmiyyətli kəsişmə yeri 113 metr dərinlikdədir və misin konsentrasiyası orada 0,5%, qızılın isə bir tona 0,7 qram təşkil edir. Minerallaşmanın qalınlığı və tərzi porfir tipli minerallaşma ilə uyğundur".
S. Vesthed əlavə edib ki, "Gədəbəy" geoloji qrupu gələcək iqtisadi qiymətləndirmə üçün yataqları inkişaf etdirmək məqsədilə oradakı minerallaşmanın davamlılığını qiymətləndirməyə davam edir.
Oxunub: 694
Oxşar xəbərlər
- Azərbaycanda hərbi xidmətə növbəti çağırış başlayıb
- Azərbaycanda qızlar niyə yoxa çıxır? - Görün hardan tapılırlar
- Azərbaycanda hibrid avtomobillərin idxal və satışı daha 1 il vergidən azad ediləcək
- Azərbaycanda bu şəxslərə yardımlar veriləcək - 5 il müddətinə - VİDEO
- Azərbaycanda son sutkada 710 nəfər koronavirusa yoluxub
- Azərbaycanda son sutkada 563 nəfər koronavirusa yoluxub, 1 nəfər ölüb
- Azərbaycanda avtomobillərin icbari sığortalanması qaydaları dəyişib
- Azərbaycanda meyit donorun anonimliyini qorumayanlar cərimələnəcək
- Azərbaycanda son sutkada 102 nəfər koronavirusa yoluxub, ölən olmayıb
- Azərbaycanda koronavirusa sutkalıq yoluxma sayı 400 nəfəri keçib