Rusiyada taxta evlərə ipoteka krediti veriləcək


18:33     20 Yanvar 2021 21_01_20_1611150239.jpg

Rusiya hökuməti taxtadan inşa olunmuş evləri almaq üçün ölkə vətəndaşlarına ipoteka kreditlərinin verilməsini planlaşdırır.

Femida.az Rusiya mətbuatına istinadən xəbər verir ki, bu barədə Rusiyanın baş nazirinin müavini Viktoriya Abramçenko məlumat verib.

Onun sözlərinə görə, hökumət meşə təsərrüfatının inkişafı üçün emal edilməmiş taxtanın ixracını qadağan etmək, ölkədə ağacın dərin emalını təşviq etmək, eləcə də taxta mənzillərin tikintisini stimullaşdırmaq niyyətindədir. Hazırda Rusiya Bankı (Mərkəzi Bank) taxta evlərin banklarda girov obyektinə çevrilməsi imkanlarını müzakirə edir.

Xatırladaq ki, hazırda Rusiyada taxta ev istehsalı ilə məşğul olan 65 şirkət fəaliyyət göstərir. Onların istifadə etdiyi xammalın cəmi 3 %-i yerli istehsaldır.

Açar sözlər:

Oxunub: 308