Arvadını bıçaqlayan qısqanc ər hakim qarşısına çıxarılır


09:35     22 Yanvar 2021 1398947325_mehkeme3.jpg

Xaçmaz rayonunda arvadını öldürməyə cəhddə təqsirləndirilən Cavid Ağayevin cinayət işi üzrə ibtidai istintaq başa çatıb.


Femida.az xəbər verir ki, Bakı Ağır Cinayətlər Məhkəməsinə göndərilən cinayət işi hakim İradə Həsənzadənin icraatındadır.

Qeyd edək ki, hadisə ötən il avqustun 24-də saat baş verib.

Xaçmaz rayon sakini Yazbahar Ağayevanın bıçaqlanaraq xəsarətlər alması barədə rayon prokurorluğuna məlumat daxil olub.

Dərhal prokurorluq və polis əməkdaşları tərəfindən hadisə yerinə baxış keçirilmiş, digər prosessual hərəkətlər yerinə yetirilib və faktla bağlı cinayət işi başlanılıb.

Aparılmış araşdırmalarla zərərçəkmişin əri Cavid Ağayevin qısqanclıq zəminində aralarında yaranmış mübahisə zamanı bıçaqla xəsarətlər yetirməklə Yazbahar Ağayevanı qəsdən öldürməyə cəhd etməsinə əsaslı şübhələr müəyyən edilib.

Cavid Ağayevə Cinayət Məcəlləsinin 29, 120.2.4-cü (xüsusi amansızlıqla və ya ümumi təhlükəli üsulla qəsdən adam öldürməyə cəhd) maddəsi ilə ittiham verilib.

Femida.az

Açar sözlər:

Oxunub: 430