İnzibati tənbeh tətbiq etmə müddəti 1 il olan xətaların siyahısı artırılır
11:26 22 Yanvar 2021
İnzibati Xətalar Məcəlləsində müddətin keçməsi ilə bağlı inzibati məsuliyyətdən azad etmə nəzərdə tutulan maddədə inzibati tənbeh tətbiq etmə müddəti bir il olan xətaların siyahısı artırılır.
Femida.az xəbər verir ki, bununla bağlı İXM-ə dəyişiklik layihəsi hazırlanıb.
Dəyişikliyə əsasən, yol hərəkəti təhlükəsizliyinin təmin edilməsi və avtomobil yollarından istifadə qaydaları, əcnəbilərin və vətəndaşlığı olmayan şəxslərin işə cəlb edilməsi qaydasının pozulmasına görə, inzibati tənbeh inzibati xətanın törədildiyi gündən ən geci bir il keçənədək verilə bilər.
Qeyd edək ki, İXM-nin 31-ci maddəsinə əsasən, inzibati tənbeh inzibati xətanın törədildiyi gündən ən geci üç ay keçənədək verilə bilər.
Yol hərəkəti qaydaları, gömrük qaydaları, ətraf mühitin qorunması qaydaları, xarici dövlətlərin qeyri-hökumət təşkilatlarının filial və ya nümayəndəliklərinin fəaliyyət göstərməsi qaydaları, qrant müqavilələrinin (qərarlarının) qeydə alınması qaydaları, eləcə də maliyyə, vergilərin və rüsumların ödənilməsi qaydaları əleyhinə olan inzibati xətalara görə, habelə hüquqi şəxslərin dövlət reyestri üçün zəruri məlumatların verilməməsinə, hüquqi şəxslərin dövlət qeydiyyatı zamanı yanlış məlumatların verilməsinə, qeyri-hökumət təşkilatları haqqında, həmçinin dərman vasitələri haqqında və cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin, habelə əcnəbilərin və vətəndaşlığı olmayan şəxslərin Azərbaycan Respublikasında olması və yaşaması qaydalarının pozulmasına, xırda talamaya görə inzibati tənbeh inzibati xətanın törədildiyi gündən ən geci bir il keçənədək verilə bilər.
Femida.az
Oxunub: 678
Oxşar xəbərlər
- İnzibati Prosessual Məcəlləyə yeni fəsil əlavə edilib
- İnzibati Xətalar Məcəlləsinə dəyişiklik təsdiqlənib
- İnzibati Xətalar Məcəlləsində dəyişiklik edildi
- İnzibati Xətalar Məcəlləsinə yeni maddə əlavə edilib
- İnzibati Xətalar Məcəlləsində dəyişiklik edildi
- İnzibati Xətalar Məcəlləsinə yeni müddəa əlavə edilir
- İnzibati Xətalar Məcəlləsinə yeni maddə əlavə edildi
- İnzibati rəhbər vəzifələrə qeydiyyat davam edir
- İnzibati Xətalar Məcəlləsində dəyişikliklər edildi - SİYAHI
- İnzibati Xətalar Məcəlləsi ilə bağlı yeni təklif