"Bullinqi dayandır, həyatı dayandırma" layihəsi davam etdirilir

14:18     23 Yanvar 2021

Təhsil Nazirliyi Təhsildə İnkişaf və İnnovasiyalar üzrə IV Qrant müsabiqəsinin qalibi olmuş "Bullinqi dayandır, həyatı dayandırma" layihəsi davam edir.

Femida.az-ın məlumatına görə, layihə çərçivəsində 8-10 yanvar tarixlərində təlimçi Sənubər Heydərova və psixoloq Asəf Kərimov tərəfindən məktəb psixoloqları üçün “Bullinqə məruz qalmış uşaqlar və ailələri ilə iş”, “Zorakılıq anlayışı və açılışı”, ”Bullinqin yaranma səbəbləri və nəticələri”, ”Təhsil sistemində məktəb psixoloqu tərəfindən həyata keçirilməli olan sosial-psixoloji treninqlər” mövzusunda təlimlər keçirilib.

Həmçinin 15-17 yanvar tarixlərində təlimçi Sevinc Səmədzadə tərəfindən “Gender əsaslı zorakılıq”, "Yeniyetmələrlə iş zamanı gender perspektivi” və psixoterapevt Maarif Məmmədov “Məhrəmiyyət təlimi”,”Cinsiyyət təlimi” mövzusunda təlimlər keçmişdir.Təlimlər interaktiv keçmiş, real keyslər ətrafında müzakirələr aparılıb.

“Bullinqi dayandır,həyatı dayandırma” layihəsinin məqsədi Azəryabcanın müxtəlif rayonlarından olan məktəb psixoloqları üçün bullinq, diskriminasiya, nifrət nitqi mövzusunda sosial incəsənət və teatr əsaslı təlimlər və mentorluq prosesində iştirakı təmin etməkdir.



Femida.az

Açar sözlər: #təhsil   #bullinq  

Oxunub: 731