Jurnalistlər güllə atacaq - Yarış
20:21 07 Aprel 2015
KİV nümayəndələri arasında II atıcılıq turniri keçiriləcək.
Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) İctimaiyyətlə əlaqələr şöbəsindən Femida.az-a verilən məlumata görə, Dövlət Xidməti Ümummilli Lider Heydər Əliyevin xatirəsinə həsr edilmiş II atıcılıq turnirinə start verir.
Turnirin məqsədi vətəndaşların hərbi vətənpərvərlik tərbiyəsində KİV-in rolunun artırılmasıdır. Turnir may ayının 2-də «Hərbi Vətənpərvərlik və Mütəxəssis Hazırlığı Mərkəzi» MMC-nin Sabunçu rayon filialında keçiriləcəkdir. Yarışda 3 nəfərdən təşkil olunmuş KİV nümayəndələrindən ibarət komandalar iştirak edə bilər. Turnirdə I, II və III yerlərin qalibləri Səfərbərlik və Hərbi Xidmətə Çağırış üzrə Dövlət Xidmətinin diplomu və qiymətli hədiyyələrlə mükafatlandırılacaqlar.
Turnirdə iştirak etmək istəyən hər bir KİV-dən komandanın tərkibi haqqında məlumatı aprel ayının 20-dək Səfərbərlik və Hərbi Xidmətə Çağırış üzrə Dövlət Xidmətinin Aparatına və yaxud [email protected] elektron ünvanına göndərmək xahiş olunur.
Məlumata aşağıda qeyd olunanlar daxil edilməlidir: komanda üzvlərinin adı, soyadı, atasının adı, təvəllüdü, vəzifəsi.
Qeyd edək ki, 2014-cü ildə keçirilmiş ilk turnirin qalibi Trend Beynəlxalq İnformasiya Agentliyinin komandası olub.
Femida.az
Oxunub: 1301
Oxşar xəbərlər
- Jurnalistlər üçün növbəti yazı müsabiqəsi
- Jurnalistlərin karnavalı oldu – VİDEO
- Jurnalistlərlə deputatlar futbol oynayacaq
- Jurnalistlər üçün müsabiqə
- Jurnalistlərin olduğu helikopter gölə düşüb
- Jurnalistlər üçün daha bir müsabiqə
- Jurnalistlər üçün təlim keçirilib
- Jurnalistlər banklara müraciət etdi: Əksəriyyətini ancaq pul maraqlandırır
- Jurnalistlər mükafatlandırıldı
- Jurnalistlərin binasında bu xidmət pulsuz olacaq