ABŞ-da Nensi Pelosini güllələmək istəyən qadın həbs olunub
18:33 30 Yanvar 2021
ABŞ federal hakimiyyəti yanvarın 6-da Kapitoliyə basqınla əlaqəli ittihamlar üzrə iki qadını həbs edib.
Femida.az “The Washington Post”a istinadən xəbər verir ki, onlardan biri nümayiş zamanı Nümayəndələr Palatasının sədri Nensi Pelosini güllələmək niyyətində olduğunu bildirmişdi.
Federal Təhqiqat Bürosu yanvarın 12-də Don Benkroft və Diana Santos-Smitin konqres binasını tərk etməsi ilə bağlı bir video əldə edib. FTB-dən lazımi bilgiləri alan hüquq-mühafizə orqanlarının əməkdaşları qadınları müəyyənləşdirə və saxlaya bilib.
“Kapitoliyə girdik... İçəriyə daxil olduq, işimizi gördük... Nensi Pelosini lənət olası başından güllə ilə vurmaq üçün axtardıq, amma tapa bilmədik”, - videoda deyilir. FTB Benkroftun bu videonu uşaqlarına göndərdiyini iddia edir.
FTB-nin bildirdiyinə görə, daha əvvəl hücumda iştirak etmədikləri barədə səlahiyyətlilərə yalan danışan qadınlara qarşı üç federal ittiham, o cümlədən qanuni səlahiyyət olmadan məhdud girişi olan binaya qəsdən daxil olmaq və xuliqanlıq və ya ictimai qayda pozuntusu ilə hökumətin fəaliyyətinə mane olmaq ittihamları irəli sürülüb.
Oxunub: 672
Oxşar xəbərlər
- ABŞ-da atışma olub, ölən və yaralananlar var
- ABŞ-da paradda atışmada ölənlərin sayı 7 nəfərə çatıb
- ABŞ-da yük maşınında 46 nəfərin meyiti aşkarlanıb
- ABŞ-da kilsəyə silahlı hücum zamanı ölənlərin sayı artıb
- ABŞ-da festivalda atışma olub, ölən və yaralananlar var
- ABŞ-da yaşayan tanınmış azərbaycanlı alim vəfat edib
- ABŞ-da atışma nəticəsində 6 nəfər ölüb
- ABŞ-da Ukraynaya müasir HHM sistemlərinin tədarükü müzakirə edilir
- ABŞ-da atışma olub, ölən və xəsarət alanlar var
- ABŞ-da vaksinasiyadan imtina etdiyi üçün 27 hərbçi qovulub