Gömrükçülər ölkəyə "İphone 12" telefonların qanunsuz gətirilməsinin qarşısını alıb
14:19 09 Fevral 2021
Dövlət Gömrük Komitəsinin (DGK) Hava Nəqliyyatında Baş Gömrük İdarəsinin əməkdaşları mobil telefonların qanunsuz yolla ölkə ərazisinə gətirilməsi cəhdinin qarşısını alıblar.
Bu barədə "Report" DGK-ya istinadən xəbər verir.
Belə ki, HNBGİ Əməliyyat və Təhqiqat İdarəsinə daxil olan məlumat əsasında İstanbul-Bakı aviareysi ilə gələn Azərbaycan Respublikası vətəndaşı "Yaşıl kanal" buraxılış sistemindən istifadə etməklə gömrük nəzarətindən keçən zaman saxlanılıb və çantalarının rentgen aparatından keçirilməsi üçün "Qırmızı kanal" buraxılış sisteminə yönləndirilib.
Bu zaman monitorda şübhəli əşyaların təsviri görünüb. Yoxlama zamanı vətəndaşa məxsus əl çantalarında əvvəlcədən gömrük nəzarətinə təqdim olunmayan, şifahi, yazılı və ya elektron formada bəyan edilməyən 14 ədəd "İphone 12 Pro 128GB", 2 ədəd "İphone 12 Pro Max 128GB", 1 ədəd qutusu və aksesuarları olmayan "Samsung A71" markalı mobil telefon, 1 ədəd "Airpods Pro" markalı qulaqlıq, 4 ədəd "Iphone" markalı mobil telefonlar üçün USB və 14 ədəd telefon aksesuarları üçün qab aşkar edilib.
Faktla bağlı araşdırma aparılır.
Femida.az
Oxunub: 648
Oxşar xəbərlər
- Gömrükçülər narkotik qaçaqmalçılığı cəhdinin qarşısını alıb
- Gömrükçülər külli miqdarda dərman vasitələri saxlayıb
- Gömrükçülər ölkə ərazisi ilə Ermənistana yük aparan İran vətəndaşını saxlayıb
- Gömrükçülər 218 kiloqram heroin aşkarladılar
- Gömrükçülər minik avtomobilində tapança aşkarladı
- Gömrükçülər 12 cinayətkar dəstəni ifşa edib
- Gömrükçülər külli miqdarda narkotik vasitə aşkar edib
- Gömrükçülər qanunsuz yolla telefon və dərman keçirənləri saxladı
- Gömrükçülər külli miqdarda bəyan edilməyən mallar aşkarlayıb
- Gömrükçülər iri kuryer və poçt daşımaları şirkətləri ilə görüşdü