Qarabağda kompleks seysmoloji tədqiqatlar aparılacaq
21:31 11 Fevral 2021
Fevralın 11-də Azərbaycan Milli Elmlər Akademiyası (AMEA) nəzdində Respublika Seysmoloji Xidmət Mərkəzinin (RSXM) Elmi-Texniki Şurasının növbəti iclası keçirilib. “Zoom” platforması üzərindən onlayn keçirilən iclasda RSXM-in Elmi-Texniki Şurasının üzvləri, şöbə rəhbərləri, alimlər və mütəxəssislər iştirak ediblər.
Mərkəzin İnformasiya şöbəsindən Femida.az-a verilən xəbərə görə, iclasda Azərbaycan Milli Elmlər Akademiyası Rəyasət Heyətinin 1/3 saylı 2021-ci il 8 yanvar tarixli Qərarına əsasən 2021-2025-ci illər üçün AMEA nəzdində RSXM-də aparılacaq elmi-tədqiqat işlərinin əhatəli planı və bu il mərkəzdə bakalavr, magistr, dissertant və mühəndis-texniklər üçün keçirilməsi nəzərdə tutulan ixtisas və xarici dil kursları üzrə tədris proqramlarına dair müzakirələr aparılıb.
Mərkəzin baş direktoru, AMEA-nın müxbir üzvü, professor Qurban Yetirmişli gündəliyi elan etdikdən sonra bildirib ki, işğaldan azad edilmiş rayonlarımızda 2021-2025-ci illər ərzində mərkəz tərəfindən 10 seysmik stansiyanın quraşdırılması nəzərdə tutulur.
Hazırda 7 stansiyanın quraşdırılması üçün bütün avadanlıqların mövcud olduğunu bildirən baş direktorun sözlərinə görə, həmin stansiyaların 3 dəsti mərkəzin balansındadır. Dörd stansiya isə RSXM-in qazandığı qrant hesabına alınıb. Həmin stansiyaların quraşdırılması üçün dövlət qurumları tərəfindən müvafiq icazənin gözlənildiyini deyən baş direktor rəsmi göstəriş verilən kimi Qarabağ ərazisində quraşdırma işlərinə başlanılacağını qeyd edib. Professor, həmçinin 2021-2025-ci illərdə Qarabağda kompleks seysmoloji tədqiqatların aparılmasının da nəzərdə tutulduğunu qeyd edib. Baş direktor 2021-2025-ci illərdə RSXM tərəfindən respublika ərazisində aparılacaq seysmoloji, geofiziki və geokimyəvi tədqiqatların istiqamətlərini də açıqlayıb.
Femida.az
Oxunub: 415
Oxşar xəbərlər
- Qarabağda iki su anbarı tikiləcək
- Qarabağda daha 13 kənddə yaşayış məntəqələrinin salınmasına başlanılır
- Qarabağda qanunsuz erməni silahlı birləşmələri atəşkəs rejimini pozub
- Qarabağda döyüşməmək üçün özlərini şikəst edən ermənilər mühakimə olunacaq
- Qarabağda işləmək istəyənlərin NƏZƏRİNƏ! - Bu güzəştlər ediləcək - VİDEO
- Qarabağda mühəndis təminatı üzrə tədbirlər davam etdirilir
- Qarabağda döyüşlərdə iştirak etmiş erməni silahlı dəstəsinin başçısı həbs olunub
- Qarabağda 73 mülki şəxs minaya düşüb, 24 nəfər ölüb
- Qarabağda bərpa olunacaq tarixi abidələrin sayı açıqlandı
- Qarabağda görüləcək işlərlə bağlı Koreyada təqdimat keçiriləcək