Ağdamda düşmənin atıb qaçdığı silah-sursat aşkarlandı


16:29     15 Fevral 2021 2021/02/1613390863401_oDbw4R2G_1613392289.jpeg

Vətən müharibəsində işğaldan azad edilmiş torpaqlarımızda Ermənistan ordusunun atıb qaçdığı odlu silah-sursatın aşkar edilməsi istiqamətində tədbirlər davam etdirilir.

Daxili İşlər Nazirliyinin Mətbuat xidmətinin Bərdə regional qrupundan Femida.az-a verilən məlumata görə, Ağdam Rayon Polis Şöbəsinin (RPŞ) əməkdaşları rayonun Güllücə kəndi ərazisində xidmətdə olarkən məhv edilən düşmən ordusunun vaxtilə qurduğu səngər və istehkamlara baxış keçiriblər.

Tədbir zamanı erməni hərbçilərin atıb qaçdığı 9 ədəd əl qumbarası, 9 ədəd qumbara alışdırıcısı və 1 ədəd RPQ-18 qumbaraatanı aşkar edilərək götürülüb.

Açar sözlər:

Oxunub: 374