Avtobuslarda cibgirlik edən şəxs tutuldu
14:03 19 Fevral 2021
Bakı şəhərində sərnişin avtobuslarinda cibgirlik edən şəxs saxlanılıb.
Bu barədə Femida.az-a Daxili İşlər Nazirliyinin (DİN) Mətbuat xidmətindən məlumat verilib.
Nəsimi Rayon Polis İdarəsinin əməkdaşlarının keçirdikləri əməliyyat nəticəsində qeyd edilən cinaytləri etməkdə şübhəli bilinən əvvəllər məhkum olunmuş Tərlan Babayev tutulub.
Araşdırma zamanı onun əsasən insanların avtobusda və dayanacaqlarda sıx olduğu vaxtlarda həmin nəqliyyat vasitələrinə sərnişin kimi daxil olaraq oğurluqlar etdiyi məlum olub. Polis idarəsində saxlanılan şəxsin üzərinə baxış zamanı cibgirlik yolu ilə ələ keçirdiyi mobil telefonlar və 1 büküm narkotik vasitə olan heroin aşkar edilərək götürülüb.
T.Babayev barəsində Nəsimi Rayon Polis İdarəsində araşdırmalar davam etdirilir.
"Bu şəxsin əməllərindən zərərçəkən başqa vətəndaşlar varsa ərazi üzrə polis orqanlarına və ya DİN-in 102 xidmətinə məlumat verə bilərlər", - Mətbuat xidmətindən bildirilib.
Femida.az
Oxunub: 451
Oxşar xəbərlər
- Avtobuslarda gediş haqqı 70 qəpik olacaq? - AÇIQLAMA
- Avtobuslarda cibgirlik edənlər ələ keçdi - FOTO
- Avtobuslarda soyğunçuluq edən şəxs saxlanılıb
- Avtobuslarda qadınlara qarşı oğurluq edən saxlanıldı
- Avtobuslarda itirilmiş əşyalar - Pul, sənəd, kostyum...
- Avtobuslardan da aksiz rüsumu tutulacaq - YENİLİK
- Avtobuslarda əşyası itənlər DİQQƏT!